üBER MICHüBER MICH
Sali zämä. Ich heisse
Rahel und han am 14. Juli 1986 s' liächt vo de Erde erblickt.
Nachdem ich minerne Eltere und mim zwei Jahr eltere Brüäder
fascht sechs Jahr uf d' Nerve gange bin, hend sie mich
chönä in chindergarte stecke.
Nachdem ich denn wieteri sechs
Jahr glebt han, als wüsst ich nöd was ich eigentli wot (
irgendwiä verständlich i dem Alter), han ich usegfunde, was
mir Spass macht und wo ich hi ghöre.
Also, und so leb ich jetzt mis
Läbe:
Ich gnüsse jede Tag und mich
interessierts nöd gross was morn isch. Mis Lebensmotto isch:
"Träume nicht dein Leben, sondern lebe deinen Traum!" I minere
Freiziit gang ich gern mit dä KollegInne an See( dämit isch
dä Zürisee gmeint) chli go chille. Eusi
Lieblingsplätzli sind Landiwiese, Safa- Inseli aber au GZ-
Wiese.
Am Wuchenend isch es ganz
verschiede. Mir sind immer det, wo öpis lauft. Binerem geile CH-
Hip Hop Konzert i dä Rote, Shitt'r'bigg oder süss
irgendnoimed, säg ich garantiert nöd nei. Sötts mir
mal langwillig werde, was sehr selte vorchunt, häng ichs
irgendwo an es friedlichs Plätzli und chill ä chli.
Däbi lauft meistens sound vom Bob Marley, Hip Hop oder
mängisch au chli Punk. Trance, Techno und de shit chan ich voll
nöd ha.
Ich bin für jede seich z'ha.
Wenn mir öpis nöd passt oder au so, säg ich immer mini
Meinig. Hinedure schnurre chan i nöd usstah. Ibildeti und
arroganti Lüüt ghöred garantiert nöd i min
Kollegechreis.
Wenn du meh wotsch über mich
erfahre, denn muessch mi scho selber fröge.
A ja genau, da une gsehsch no es
paar Föteli vo mir und minerne Kolleginne!!!