index

永遠有多遠，我看不見
愛在一瞬間，說變就變。

銘&他的
兔兔

天 堂．心情

25/6/2002

今日又再重新建立網頁.
因為公司的生活實在太悶,
所以唯有用空餘的時間來充實一o下..=.="
好耐無寫日記.
因為我懶, 同埋之前無工返的日子只係一未
千篇一律,日日如是...打機,起身,訓覺,打機...
真係無聊得很...
而家又開始要工作了.
就忙得無心機再寫日記起來...
反正沒有太多人想知我日常所發生的種種,
唔update也沒有關係吧~~(好串嗎?hehee)
講笑~我會得閒就來此更新一下我的近況啦.
請大家有空都會和我保持聯絡。
要講的暫時係咁多.thx .bye~
F r o m : ＨｅＬｅＮ。

M
Y

N
E
W
S

.
.
.
9
月
份

請向野蠻說不...

Fin~*

中秋節 快樂呀
Helen Alucard's News From Heaven‥

← 得閒留個言丫?＊

↑未開放?＊



	You need Java to see this applet.

		未完的日記-待續… ****** 11/3/2004 哥哥來找我一起到我住的村口花園看植物,仲送左盤花比我.係紫色的.(不太清楚名字品種) 8-9/3/2004 呢兩日都我都陪媽到政府診所覆診及申請病假紙. 6/3/2004 在家的地上發現一條兔BB屍體呀.(應剛滿月,身上沒毛的)好怪的樣子.我男友幫手清理了. 5/3/2004 今日我要到醫院做檢查,但又同BF嘈交.因佢請假陪我.我feel佢懶&不負責任唔返工而嘈佢. 我倆在bus-stop等車時,咁o岩小巴只有一個位.我照上.無理到佢呀. 之後我展轉到了醫師內的治療中心病房看電視,等見醫生.無啦啦,佢就出現在我旁邊. 至今,我都有點驚訝他為何可以找到我身處的層數&病房. 就算問護士,他們也應該不會輕易隨便透露掛. 仲要佢自己一個咁厚面皮走入人地婦科檢查的病房去找我.尷尬死了... 檢查完,醫生又係話我細胞有D異常.比左個日期叫我去睇報告&覆診啦. 真煩. 4/3/2004 晚上,我第一次送我阿媽到荃灣果邊,陪佢等車到元朗.感觸良多. 佢隻腳上車都無力,行行?又跌低.好慘咁. 返到屋企,我自己獨自在家.都無訓過.好辛苦. 3/3/2004 我阿媽隻腳有事.尾椎骨移位.今次有排醫喇. 28/2/2004 細佬好有心咁買左部電視回來我家.太好了. 之前一直都無電視睇呀.因壞左好耐.仲要係14吋電視仔放在鐵卓上看.真慘. 27/2/2004 我同父異母o既姊姊結婚. 果日我同細佬就唔太開心喇. 見到好多親戚都唔比面我屋企人. 發左達就唔識人喇. 阿爺喎.都無當過我阿爸係佢個仔. 我亦都無當佢係我阿爺o者. D所謂o既親戚都唔知我係乜水,仲以為我係細佬條女. 白痴. 總之一句,我死左都無人會知啦. 不知所謂的親戚. 好日唔搵我老竇o既家姐,今次擺明係o黎"羅"債.飲宴上,有幾多人係真心祝福佢地兩個?一眼就睇得出. D人只顧飲食羅彩. 搞到我都有D憤世嫉俗潻. 26/2/2004 第一次用力"掌摑"我男友. 係我錯,都要打人.好惡的我. 佢臨走時,我仲想拎佢買來的豬扒包擲佢.因我太慶了!!(但我沒擲他,因他走得太快了) 25/2/2004 媽咪問我係咪"心理有問題". 講真我都覺囉. 24/2/2004 大吵.第一次感到"陌生"的感覺. 17/2/2004 我地兩個到了"大清水"海灘執貝殼呀.我仲執到個翠綠色的貝殼(得一部份渣) 好開心,好好玩呀.不過點解你唔比我踩爆果個"怪火山"貝殼呀?又拉住我走話唔准...好怪. 之後到了恆麻麻屋企食飯,玩"鋤大d"...成日輸.不過有round比我立到4條dee.(超好運)唔贏先奇咯. 14/2/2004 恆哥生日. 真蝦人,又係生日又係情人節...要買兩份禮物... 不過也謝謝你送我昂貴的禮物.(咁搞法.你D咭數幾時先搞掂?!) 12/2/2004 我自己無聊拆左屋企天花板(一塊o者),之後又買野修補返. 無法,屋企個屋頂成日漏水.屋企人又唔理.唯有我自己去理. 當爸爸離棄了這個家後,這個便不再似家了.我不是要埋怨,只是感到...人可為一己快樂而變得如此自私. 畢竟你以往曾疼愛過我,但現在,你拋棄媽媽,也拋棄了我. 過去就像是場夢,我把它放在心裡好了. 10/2/2004 晚上與舊同事Joyce & Amy食飯.好耐無見了. 真高興可一起有機會聚一聚. 9/2/2004 今天我放生另一隻兔仔"波波"(原本是恆的,但他把它寄養在我家中) 但在晚上,她卻跌死左,死之前.我聽到屋外有一陣慘叫聲, 以往十幾廿年無聽過好此怪異的聲, 自我安慰一番後, 恆陪我出屋外看個究竟,點知..就見到波波流血攤屍路中. 佢死時把聲,好似d細路仔叫:嘩嘩聲一樣.養咁耐兔仔都未聽過兔仔會識叫... 點都好, 安息吧.波波. 3/2/2004 唔鬼做呢間死公司. 假仁假義的基督徒. 死女人經理想出少d糧比我. 最後都比我嘈返.. 正狗人. 23/1/2004 兩人一起趕睇煙花,好正呀!boom boom!! 22/1/2004 今年只到了(男友)恆家拜年. 睇返佢以前細個D相, 好鬼Cute喎. hehhee 21/1/2004 今日係年三十. 門廠一早已收晒工,無門賣. 找來一度唔o岩size,上下差吋半的門頂住擋...好無安全感的家. 20/1/2004 因媽咪遺失屋企大門KEY,我細佬一時衝動無法之下踢淋?成度門... 我發夢都無諗過屋企大門可以咁易就"飛彈"入廳,仲要係o係呢個情況下而被結束其十年多的生命...哀哉!! 屋企現時屬:"無門"狀態,隨時可被爆革..=.=難以想像.. 19/1/2004 晚上我同男友恆哥仔放左工後去"維園"年宵市場探朋友仔班. 與小健健吹水聊天,見他挺落力SELL公仔,又咁布節日氣氛,真係好高興. 辛苦晒你地喇~健健&阿林~.仲有2日,希望你地搵得盆滿砵滿!!財源滾滾!! (小健健都好識SELL野架~見佢拎住隻公仔舞幾?,個樣好搞笑~不過近日天氣咁凍,真係小心唔好凍親果幾舊"六神合體"呀..=.="我都係~HEHEEEE) 另外,亦到了恆家飲佢煲O既雪梨湯,知我就咳死,所以就盡d本份對我好呀?!! 味道真是...一般...sorry. 12/1/2004 細佬榮少生日. 祝生日快樂.事業愛情更上一層樓!! 身體健康同萬事如意順利. 10/1/2004 出到旺角買禮物比細佬. 回家時,感到好失落... 因為我唔夠旺角周街D靚女咁靚咁索囉!!>_< 8/1/2004 恆在返工途中偷偷跑來找我. 大家好返=.="成日都係咁架~ 你忍得到我幾多次? 真是充滿誠意,捨己的一次. 忍唔到時,請告訴我!! -3- 7/1/2004 同恆大吵~因誤會而吵啦... 5/1/2004 早上發夢同阿爸吵架而哭了一場. 現實中我領悟到.細佬仲有爸媽錫,而我只得媽媽錫... 我爸半年也唔會找我一次(事實上我倆分開住,屋相距亦不太遠) 但就唔知點解會變到咁?由幾時開始變到咁? 我好無奈囉 /_\ 你地唔會明我感受. 1/1/2004 新一年,新的一天. 今日放假同左健健落西貢吃粉~我就覺幾好食喇.唔知健健又點睇. 好開心可以傾到咁耐計.傾到成10點先走人~仲要o係巴士總站度企著傾了好久~真誇張多謝健健.有機會,也"捉"樂樂同木木哥來一起吃飯吧!!仲有Teffia & Bonnie. Edmond & Alan.(Where is Kant Soong & 阿鵬?!) 31/12/2003 我和恆放工後,到了網吧在天堂中倒數...=.= 氣氛不及以前喇.好前的天堂.除外果刻真係有FEEL過O係尖東~(好多玩家都覺) 小健健打來問候一番,佢之前同朋友去了睇TWINS演唱會呀!! 如果我好運,做左明星.唔知健健果日會去捧我場定TWINS場呢?..=.="(別鬧我白痴啊--講笑渣!) 30/12/2003 今日放假同恆去左香港公園啦,同香港動植物公園逛. 仲坐在公司內吃手造曲奇餅.好好味同開心呀. 仲見到個肥大的塘鵝(之前同細佬、佢女友&佢朋友-FISH都去見過!) 好搞笑的. 特別去到動植物公園,令我想起好多往事.想起的小時候同爸爸曾到過那公園, 那時年青的他和媽媽還沒有鬧離婚呢.我真是不懂得去珍惜一切...那是最後一次. 距今已有十多年了. 26/12/2003 第一次看到恆的背影時才猛然醒道:"人地都有阿媽生架... 佢都係一個個體,係一個人,都有思想同感情...平日我對人咁衰,好似唔係咁好. 好怪,有種咁既真真實實的Feel. (可能平日自己呆下呆下咁同佢過日子而忽略了別人感受吧) 前排跌左部電話,無晒朋友電話. 聖誕都無咩人搵我.不過我都好掛住GF-02的各朋友仔. 唉.將心彼己又如何?? 25/12/2003 有個客送左個小蛋糕比我.好開心.謝哦! 24/12/2003 恆一早工都唔返陪我去醫院睇醫生. 3月中要入醫院. 等睇醫生時,差點訓著...=.=" 晚上一起回家煮飯過聖誕.仲有打機(天堂)啦! 23/12/2003 第一次自己落將軍澳醫院... 回家前又撞見抹緊車的細佬,佢載我遊左陣車游兼"談心--事" 在清水灣豪宅區仲遇到個"跨過鐵欄杆而往海邊"的透明阿叔..超怪異... 22/12/2003 今日過冬,6點先放工. 17/12/2003 嚇死我的一天...衰人無啦啦撞上門來.. 之後去黃大仙還神&睇<<無間道III>>.OK好睇啦. 14/12/2003 阿媽首次向恆說教的一天...好似好好傾.但...恆同咩人都好傾啦!!-_- 10/12/2003 今日放假同恆第一次去黃大仙求籤(佢想求事業渣!!) 之後佢求左支NO:100的姻緣籤.Heheheeeee 大約意思是:"否極泰來"啦~^_^~ 仲有之後去太子食:"芝士肉醬焗通粉"呀!!太美味了~ 在廟街又執到張$10蚊紙.不過之後怕唔太好,又棄回原位. 再上佢"麻麻"屋企食"豬腳薑"~好好吃的黑色蛋蛋呀!! 真係飽飽的一天!! 9/12/2003 朝早起身,發現屋企外面多左2隻BB兔...原來係我家男兔BuBu同恆家女兔波波生的BB. 一隻似兔公,一隻半身米色半身白色...成隻豬咁...嚇親=.=^ 26/11/2003 今日食左舊好似雲一樣的橙色綿花糖,好正呀^.^! 20/11/2003 佢係一個唯一最忍得我,就算我錯晒,佢都會向我死狗乙水我, 仲會買早餐入西貢等我返工的人.謝謝!! 18/11/2003 今日好嬲,原來恆仲未戒到煙...每-4日一枝!(FUXK!!) 硬係要我嘈到先肯講肯戒. 希望你真係戒到啦! 無鬼用! 睇返今日的日記見到有句話,醒你既:"你係一個好情人;但就絕對唔係一個好老公!" 唔~~ 7/11/2003 睇報紙見到有人請玩LINE媾仔講咸野.每分鐘$0.6... 平時我O係公司咁清閒,最好就做下呢類工搵外快啦... 但就慘係我唔識講咸野逗男人開心...仲要逗唔識的男人我五音不全,不識:"衣衣~~柯柯~~"...=___=" 痴線. 5/11/2003 恆佢考到個地產牌了...好似好易咁. 佢咁懶都考到...真係奇蹟. 4/11/2003 恆問我,點解要咁樣對佢.(意思即埋怨及不滿、不憤) 我真的好想答他:"那你去問一問我以前的BF們,點解要咁對我先啦!" 好無奈.又係我錯!! 2/11/2003 好開心,超開心.因為小健,阿樂,阿林陪我唱K食飯補生日,好正呀!! 見返佢地好開心...因為我以後佢地已忘記了. 我不多朋友,但他們卻這麼有心,有時候我真的覺得這些恩情,真是這一生也未必可以償還得到. 很感謝.多謝你們伴我過生日及以前當我失戀時安慰鼓勵陪我渡過. 我好想永遠也和你們保持這種好朋友的關係. 請原諒我忙及自閉,不敢致電向你們逐一慰問及聯絡... 點都好.大家要幸福哦!! 1/11/2003 好彩今年有人陪過生日者! 不過上年我都好開心,同朋友仔們去打邊爐...今年無得打. 17/10/2003 第一日返新工...妖!!個經理簡直就係不知所謂. 5/9/2003 阿恆勁蠢呀!!教極都唔識~激死我!! 多謝你送的"柚子茶"，我而家都飲緊~呵呵~我愛柚子呀!! 我聽日唔想食"熱香餅"喇。唔好再買啊~ 食三文治雞肉飽啦~我而家好肚餓... 今日食左條"黑加倫子味"o者o里雪條食呀!好似係唔知咩"魔鬼LamLam利--雀巢公司出品"架!! 好搞野架~搖下搖下咁~軟泥泥咁架! 你地自己都去搵下啦!! 28/7/2003 辭左職無做幾日喇。係由26號開始唔使返工o既。有返自己o既私人時間，唔使有壓力地對住公司o既上層，感覺都幾好。好多friends都離開左呢間公司o各，我都無心機做落去，可以說是宿命吧~哈哈~ 這兩天，恆哥哥都陪我周圍去行，周圍逛。thx. 禽晚同屋企人嘈交，同心所預料的有好大出入。大家睇法唔同。我總有一天會走，離開香港。我無任何軒掛(忘了點打個hin字)=.=" 兩袖清風~ 1/7/2003 佢係一個咁耐以黎，對我最好o既男朋友。細心、關心、珍惜我。今日飲左碗好甜o既湯，係你由屋企專程帶比我飲o既。多謝。如果有永遠，我會選擇同你一齊直到永遠。雖然你有時會恰我，又食煙飲酒; 但同你一齊玩、有你陪真係好開心呀。 22/6/2003 我老公唔上網。=.=" 原來夢想中的王子同現實中的~都唔係同一回事。當你擁有了之後，又不再覺得它珍貴… "難得有人待我這麼好"~我真是犯賤。 19/5/2003 王子，我不奢望能成為你唯一的公主，我只希望能夠成為你心中一輩子的朋友就夠了。別忘了那個隨口說過的"約定"…我準是傻了。 30/4/2003 禽日還左個人情比你喇。我真係傻呀~使唔使咁呀?假期就咁過去。今日你經過時，我抓著你的衣袖:"唔准走"~你停下來望住我果個畫面好正，我想知你係唔係對任何人都會如此溫柔架?定係你當我係乜都唔識o既妹妹仔? 今次，我放手比你走‥別回轉身‥別向我微笑‥別對我太好。我唔想死多次。 27/4/2003 估唔到今日終於等到件芝士餅食，多謝晒。仲以為佢唔記得左潻，初時我只以為佢順口開河~吹水。但今早，"誠諾"兌現，我真的感到好Surprise~點都好，多謝呀! 17/4/2003 Today, I feel a little bit upset. I think of Ah Kei, I remember that, when I cry at school, he came to holding me~whatever he is joking with me or not, I just felt warm by his action. And I remember someone his eyes-sight, it is so attractive to me. Everythig is going to change to difference, not same as b4. When someone he won't luv u anymore, he 'll treat u not good anymore, chilly to u ... Sorry, Everybody, I just talking some shit in this moment, forget it~!! 13/4/2003 都有2個星期左右無上過來update了。首先回顧一下這兩個星期所看到所經歷的得意奇怪事先吧~ 1)有日下午，我在家中的附近，正趕著返工途中，見到2隻狗(一大一小) 正在"蝦"一隻小動物。那是一隻昂起頭、憤勇抗敵的"小蜥蝪"。蜥蝪仔最後都是被狗仔們玩"瓜"了…(原來狗也很聰明，知道蜥蝪會還擊咬牠們，所以狗狗們分工合作，大狗負責引開蜥蝪的注意力，而小狗便咬起蜥蝪的長尾巴‥我眼見蜥蝪仔慘被欺凌，本想幫手擊退狗狗，但我怕被捲入是次戰爭中，所以‥我做了冷血的旁觀者。 2)有日，我遇見了一位"捧龜的小男孩"。他往沙灘跑，又帶著龜兒，往餐廳吃東西，也帶著它‥ 那個男孩沒有帶"龜屋"來，長途跋涉的路程中，只一味用手拿著一隻小龜。怪人一名。 3)前晚大霧得很，什麼也難以看到。遠處的山，遠方的小屋，什麼都被霧蓋住了。在橙黃色的路燈下，景像卻有點奇特。從高空落下的，就像是一點點的白色粉沬。那些其實只是霧吧了，帶點水珠的，並不算是雨。就在我一抬頭看天的一剎，有一群拍動著白色翅膀的鳥兒飛過，只是在我的眼前掠過了2秒而矣‥ 想再看清楚，再追蹤下去時，牠們已消失得無影無蹤‥就像是從沒有出現過般，沒有留下一點痕跡。是幻覺嗎?還是因能見度低的關係，所以才不見牠們了?那時已經是8-9點pm左右了，時間已不早，鳥兒都應該一早便歸巢吧?! 不過，那霎那間的影像，就好像是有一群"天使"發亮地在我眼前劃過般，真是十分神奇的感覺。天使不可能會出現在我眼前，因為我是滿身罪惡的人‥可笑。 4)原來，"西方人所養的狗狗"是怕"中國人的"‥ 我前晚看到了一隻身型短小，短尾，啡黑白圈圈紋的長耳小狗。牠的主人是一名西方人，其他中國人(小朋友)想摸牠，牠也不肯。(我成功摸到，但牠很快又走開，因害怕麻) 反而同是西方金髮的去伸手摸牠，牠卻無任歡迎‥啊~真是可愛奇怪的狗狗。 31/3/2003 今日又看到發泡膠箱內有大墨魚多條，其中有一條，個身是黑與啡色間條花紋的，他又在張合雙眼，浮在水內，我第一時間只隨心情，隨口給了他一個名，並叫了一聲：低能仔~ 就沒有再看下去，因為它身處的船浮上浮下左右搖，看得我暈暈的@@我投降了啦‥ 仲有，今日第一次見到，原來黑社會係可以咁唔講道理，係大晒的‥唉相反水哥文就好nice，一點架子都無哈哈。早知我都跟你啦文大佬‥呵呵 *肺炎好勁，大家請小心。 30/3/2003 剛剛睇左最新連載，見到你好愕然的樣子，其實呢個樣，我都唔知見過幾多次。乜你對佢仲有感覺咩? 乜你唔係已經完全忘記左佢喇咩?做咩人地醫生話比你聽佢自殺死左之後，你仲要有咁o既表情出現呀?唔似一般的你‥哈‥ 不過呢，我覺得只是醫生在吹水吧，咪信佢。唔好以為泉係D咁弱小o既人，無左你會死咩?唔會o既雖然係你一手搞到人地變成而家咁樣，既然你都知錯喇，我唔該你對人好返D，補救啦。又話要比幸福人地，咪亂UP呀。衰仔!!永遠愛你 24/3/2003 今日又經過碼頭時，見到有大墨魚外，仲見到有被人分成一截截的魔鬼魚... 有$15蚊一份，$20蚊一份。賣魚的阿嬸話煲湯or用咸菜煮都會好甜‥ 真是可怕啊~這麼可愛的魚也吃進肚 >_< 嗚嗚! 新工作的一天，也是接待員。同事們都好好人‥希望一直保持下去。又想起了92-93年時的拿拉達(美少女戰士的反派) 那個帥哥我一直忘不了，真是一個悲劇的人物。如果我是"奈留"，我都不知道應該以怎樣的心情去渡過那失去了拿拉達的日子。給拿拉達：我倆一定可以在某個時空再相見的，那個時候，我一定會擁著你不放，就算你打我，鬧我，報警=.=也好，我都絕不放手，絕不放開你~記住啊!蠢材-三條阮正人!! 22/3/2003 禽日下午經過西貢碼頭時，見到水上有賣鮮魚的艇停在橋下。而在艇上的一個發泡膠盒內，有隻大墨魚在悲慘地眨眨眼‥ 它那雙大眼睛在盒內的淺水中張開又合起，看著站上橋上好奇的我‥ 很可憐的樣子‥對不起，我身上只有50多元現金，救不到你了，來生再見‥可愛的大墨魚哥哥~! 8/3/2003 無聊的一天~但有很多人陪~^_^~ 我愛你~天天~毛毛~呵呵呵. 嚇死你地。呵呵呵~ 1/3/2003 今日發癲，o係天堂又沖粄晒D防具武器‥而家得返把+0鎖破同+0紅劍。無喇，乜都無喇。無晒ac‥唔緊要啦，講過話唔玩就唔玩架啦，唔緊要了。我帶走回憶同友誼就夠了。詳情請參閱"天堂．心情"一欄。 26/2/2003-27/2/2003 屋企無野食，所以同細佬落左西貢食飯~ 第一天，佢請我食，我完全乜錢都唔使帶，only帶電話就出得街。(ID card都唔帶啦~唔會比人踢^_^)不過feel無野渣手幾唔自在..=.="痴線. 第二天，我請返佢。根本我就唔想佢請，唔係我唔領佢情，咁我出左黎返工咁耐，如果要返細佬出錢請食飯唔係咁好麻~ 比我掙贏左=.=^(最好咪掙啦，我會唔高興的) 中左提子毒，勁飲提子汁~100%純的，味道幾好。 25/2/2003 阿媽呢幾日放假會不在家，連續3日自己一人在家渡日，又可以話正，又可以話寂寞‥ 夜晚訓覺無咁安心o羅。 23/2/2003(Sun) 首先，今早我住的村落搞左"盆菜宴"，中午時就同細佬爸爸食食食啦。不過因為佢2個係工作人員，尤其爸爸都無乜點食，only勁幫手把飲品送往各人手上‥ 細佬的女友-詩詩、同佢朋友-大笨象都有來~第一次食盆菜，感覺幾好玩，D野一般好食啦，因為無乜野o岩食o羅。而當中亦有抽獎環節，我地抽中一個小獎，係"被"呀=.=" 22/2/2003 在家整理一切。執野啦，睇返以前買左但一直都無去用心睇的書等等。仲有上網玩天堂..=.="又沖爆左好多防具。 ac得返-25。得返妖精呢個角色可以玩。我咁做，就係為左黎緊退出放棄天堂而作出的前奏。 21/2/2003 今日下午約左稀&銘幫兔仔沖涼。在鑽石山等，一起搭巴士到了銘家。一入屋，就即見一隻龐然大物身處鐵籠中‥嘩‥原來係‥ 傳說中阿銘家果隻大兔‥隻兔仔‥no，係兔佬至o岩，真係大到難以想像，我同稀稀只係一直"嘩嘩"聲，無野好講‥ 第2句就係："嘩，乜真係咁大隻架?‥估唔到呀"=.=" 隻兔又肥又大，仲好重手，食野會發出"咕咕"聲‥乜都食，又食"碌柚"=.="勁搞野。我隻兔兔拍埋去，真係無得比，相形見拙‥ 好喇，首先幫左銘肥兔沖靚涼，過程十分順利，好似幫狗仔沖涼一樣，對銘銘黎講，完全無難度。到我的兔兔了，雖然果陣係有D手忙腳亂，但都總算完滿地搞掂。只見濕身時的兔兔，顯得都幾瘦弱，小腿又似雞腳‥ 沖完涼之後，又周圍大小便，嚇到大家一時都唔知點算好...=.=" 放返佢入籠，佢就好似o岩o岩放監咁，勁食唔停，食完又合埋眼想訓‥ 就咁玩到6點幾左右，我地一齊帶住隻兔仔，離開銘家到了鑽石山荷里活廣場的機舖。阿銘好醒目地怕嚇到兔仔，所以用布厚厚地包住兔兔的大耳朵，然後才進入機舖內。 (因店內太大聲，怕嚇到佢麻。佢一驚時，就會扒到好低個身成長條形) 到了8點幾9點左右，大家都要各自走了。我返屋企，好眼訓呀~安頓左兔仔之後，就上天堂。 (可能因為阿媽佢怕迫得我太緊要，佢都無吹我搵野做，只係叫我慢慢找，得閒就執下屋企‥反而咁我覺得幾好。唔會有太大壓力，但我唔會比自己懶落黎，一定要keep住留意搵工D野，否則一停左無野做一排，個人就會好懶，乜都唔願做，到時一旦搵到野做，就唔再願做，少少都嫌辛苦架喇。加上如果成日留o係屋企的話，接觸其他人o既機會少左，同時間自己o既自信心亦會慢慢減退。到時interview就蝕低好多。我希望自己可以keep到唔好過份地懶就好喇。 20/2/2003 第一日正常日子下唔使返工的一天，感覺好怪‥ 雖然平日已經好他調，但係而家身上完全沒有職責所在，反而一身輕，有D唔自在。午飯，又係約左F.5A四個fd食。跟住，同稀&銘行左去尖咀機舖打機。好好玩，其實我好like去機舖，但就係因為無人陪，又多人，所以先唔敢玩‥ 稀稀、銘銘，搵日無乜人時，我地又去玩過啦~=^_^= (最慘係，3個人一齊玩"(X)打碟機"都過唔到關‥搞笑到入左錢開始首歌絛幾耐唔夠5秒就"Stage Failed"‥=.="使唔使咁呀?...) (仲有，我o係樂器行買左支中國笛，返到屋企試玩，太大聲，好易整到人耳聾...=.="點搞呀...不過支笛好靚。) 19/2/2003 今早玲返了來陪我吹水，根住我又同稀、婷、慧、銘一起玩o卑牌運氣不太好啦，平時我好強的之後一起行去旺角吃飯、看書。下午回到學校，終於同阿yan、美嫦兩人冰釋前嫌，之前因某些事而太大家誤會了而疆了一段時間。現在總算在最後都可以和好。又看到了阿Yan的天真笑容，太好了。處理完一切事務，呀‥好像是這麼多天來最忙和最充實的一日。交帶好所有事情，就回家了。沒有太多同事知道我走，只有阿sir一個。因為我必須把鎖匙交給一個可信的人，我才走得安心‥ 還有，順帶一提，各位同學，你們的八達通乘車咭會於呢幾日送到學校，所以請大家留意喇。我得閒無事做的話，會返來的。一O一 18/2/2003 中午同稀&銘行花墟吃午飯~大開眼界~有好多靚花花賣。^^ 周圍去睇野~真好玩=^_^= 之後我去把頭染返深色(接近棕黑色)。因為要準備搵野做喇，個頭咁金唔係咁方便。回到家，落左細佬家搞部MD機。好彩佢用緊Win-XP，裝到隻MD Drive渣‥ 辛苦晒佢走上走落(由A家走去B家)幫我把歌又send又入歌名~呵呵! 17/2/2003 今日早上有阿玲陪，跟住中午又有4個fd陪：稀、婷、慧、銘。一起去食飯啦、仲有陪我去買MD機@@"多謝大家呀~如果無你地，我實買唔成架‥ 之後仲去左映貼紙相潻~幾好玩^^ 下午，稀&銘陪我回到學校，F.4同學"淑恩"來交學費。(佢介紹我識日本靚仔組合"Flame"架) 臨放學前，同左阿旗同勇勇哥吹水~搭mtr出閘時，又撞見舊同事Christ‥ 今日可謂多姿多采。希望明天如是。 14/2/2003 就係因為我忘記了帶鎖匙，今日大家唔使返學，唔使返工。因為無門口入‥ 對不起大家~以後我會小心D。同婷婷、慧慧、銘銘去行街食飯，感覺唔錯.THX 大家. 我最唔鍾意D人打電話來扢苦我。不過見無幾可先接聽，下次真係唔鬼聽就咁CUT線算數。我就係D咁o既人，可能你以前未了解清楚我，同埋最重要一點，我就係唔想同你傾，就係唔想同你做朋友。你明啦!你知我講緊乜o既!我好後悔以前浪費左咁多時間o係你身上。因為以前細個，識唔到人，所以咪死拿住唔放o羅。唔講喇! 11/2/2003 本來今日阿旗又話會返學校~但顧住訓~又無返喎。水哥同謝曳都無返。不過好在有班"四人組"同學o係度，先有D氣氛，無咁悶~ 四人組同學包括：詠稀、慧慧、婷婷&仲銘兔~呵呵=^0^= 中午同"秋霞" & "肥哥哥-生-"去食lunch。大家交流意見~幾好^^ 放工時，我去左旺角書店買o左幾本書。其中一本係，小健你話果本"圖騰與禁忌"(x洛依德著作) ("個x字唔鬼識打呀!=.=") 我都唔知點解自己會買，不過你講到咁有趣，我都會想知o下。返到屋企，玩左陣天堂，覺得好難升lv，班fd又不在，我都offline~好眼訓好眼訓‥訓左潻...直到第2朝早。 10/2/2003 去完法援處個總結係： 1)D職員好串，張單case好似波咁踢黎踢去。(呢個不嬲都係政府機構的特色‥) 2)佢地都提供唔到實質的援助‥唔肯幫我地清公司盤‥話唔值得用4,5萬去清呢間野盤喎。仲以為咩公司佢地都會肯清，可能而家要節省資源，無法。返到學校好悶，又無野做，見到果2個虛偽o既人，好鬼討厭。佢地比左D野我做，我口口聲聲話:"哦~好呀!"哈，但我都無諗住做喎。果D工作根本我係無辦法完成o既。(佢地要我將人地幾間學校o既Catalog成本copy打晒出o黎...癲架!) 我采佢都傻。 9/2/2003 聽日要去什麼"法律援助處"喇T_T。好唔想去，又唔識去.又悶... 更加唔想返工，對住D咁o既人。聽日可能有勁多文件要打，如果太多，我采佢都傻.拖得就拖. 遲下唔鬼做了。太悶，最重要一點係無糧出。人事已盡.唔想年年上一次勞工處。況且，如果有人唔想我o係度，我實識做o既!! =>得一個人的屋企，真係靜得可怕。兔兔又爬左返入紙箱.都算乖啦. 我抱佢上手，都覺重左好多，又肥.^____^似我o羅~!! 8/2/2003 天堂盟聚。差D遲到，好彩趕得切~=^_^= 見到一眾網友。驚喜，有氣氛~ 可能我o地果個盟D武器唔夠人地盟勁，搞到PVP輸得慘重... 鬼叫大家無錢.無+8日本劍咩~算啦.下次再玩過。幸運地，唔使問人借弓，都臨時整左把十字弓再+埋武卷.形成+6十字弓。如果唔係..我M姐唔使出場喇... 我D武器呀~無晒咁濟‥可憐。 7/2/2003 同GF-02聚會. 歡送Bonnie之Pizza Hut餐.見返欠未露面o既YO哥~ 哈.依然搞笑!! 4/2/2003 好耐無上黎更新潻~回顧一下之前幾日o既事先： 1)同屋企人睇左movies"占士邦007"~開頭悶到真係差D訓著‥ 之後鬥車果幕好睇D. 刺激D. OK啦‥ 2)隻兔仔而家大隻左，唔係我講o既，屋企人都話係‥ 今次我o既"兔仔當狗養"計劃非常順利~加油!! 3)今年傷風，無去拜年(其實年年都差唔多)。都有幾封利是安慰o下‥thx GOD. 4)下年一定要同大家去睇煙花呀!唔好話:無男女朋友o既先出席GF-02活動啦。大家係fd.得閒一年間見o下面食o下飯咁幾好丫!! 5)就快要上"法援"處，唔知點去果度。因為上年果次係同事渣車送我去，總算有人陪，唔使自己煩惱周圍搵。今次唔同，我諗又要飛的士去喇‥ 6)又就快要去參加"天堂盟聚"，到時見到咁多網友，點好?! 比佢地睇到我ac咁渣，又搵咁少錢~T_T煩煩煩!!星期六就係喇‥ 7)多謝鵬鵬教我點養兔仔~得閒再指教好無?!多D來坐.THX -3- 28/1/2003 隻兔兔好勁呀~因為佢識自己o係個箱度跳出黎，跟住有時又跳返入去訓覺，飲水‥ 好勁...=.="成隻狗咁~希望佢可以快高長大~^v^~ 有好多時，當我播緊歌時，佢都要坐埋一旁豎起耳仔聽~好可愛~^^~ 你有興趣養返隻嗎? 27/1/2003 水哥、謝曳返左黎...成個星期無見，真係有D掛住佢地。逗留唔夠5分鐘，又話要走(阿旗無返)‥好耐都無試過一齊落樓下食lunch喇。唔想對上(10月中)果次一起食豬扒飯就係最後一次‥我仲記得有你地3個陪~好開心‥^^ 個個都咁有風度，又識照顧人、逗人開心~=^_^= 另外，我的舊同學兼死黨(永遠)大佬深竟然打電話比我，好開心~驚喜~ 好似每次佢搵親我，都係要聽我申冤，要安慰我似的‥ 咁就o岩喇，佢讀緊"社工系"，咁接觸多D唔同o既case o羅~ 估唔到會有"社工"主動搵我o波~heehee 大佬，祝你同"蘿蔔"長長久久，我知你實唔會變心o既~哈!! 就算大家少聯絡，但我希望你知道，你永遠住o係我個心入面~^_^~ 25/1/2003 之前果日，兔兔一D野都唔食，我好擔心呀~不過，放左佢一陣出來玩之後，佢又乖乖食返野，咁都好D‥原來只不過係鬧情緒‥ 我細心摸摸佢背脊，發覺頸對上有條骨凸起左，好怪。但應該無事o既。如果可以快D養大佢，好似隻狗咁樣就好喇~好想抱住佢行街街~^O^呵呵~ 頭先同細佬去食飯~吞拿魚尖角通粉好好吃啊~太美味了~~>__<~~ 24/1/2003 今日一起身，就無啦啦見到兔兔坐o係廳中‥O~My God~!! 佢點走出o黎架?!‥一時間真係嚇親~見佢咁乖，又無周圍搞事，我就比佢o係廳玩一陣，之後就捉返佢入箱啦。佢都算醒目，就算走左入房同廚房，隔一陣都會自己識衝跑返出大廳。我都驚佢入左房之後，唔識搵路出返o黎。(皆因我間房太多雜物、衫呀之類=.=") 返學時，見到同學仔詠稀-(我like佢個"稀"字^^)個bf睇緊本考車牌--筆試本notes，睇到都頭痛呀~有D題目真係幾深‥如果叫我去考，我實肥佬好多次-_-^ 有D係普通常識題‥連果D都唔識呀~點考呀?!(細佬仲吹我去考...) 都係唔o岩我架喇~你地加油仲好啦。仲有，行經太子一間專賣牛奶製品的店子，入去叫左碗"焞奶"~ 好好食~好滑~果間野好似叫做，咩"義順牛奶XXXXX"?!有興趣可以去睇睇。(近聯合廣場) 23/1/2003 哈~原來謝國曳份中文卷係最全班第2高分~最可惜係唔夠時間做! 如果唔係實第一呀~哼哼!! 放工時，買左扎花返屋企~我like花花~一有心情，得閒就會買花^^ 媽媽就話我浪費錢:"又唔係男仔送比你，徙錢啦!"(=.=") 睇住兔兔食野時，我覺得佢好慘‥因為佢好可憐地來到呢個世界，來到店舖，落到我的手中‥唔知佢會幾時離開我呢?我唔想養乜死乜‥ 請神呀，保護牠好嗎?一定要健康生活下去，別有事。如果佢有什麼不測‥這次我一定會哭的‥我會怪責自己。 Hey~別想別想~!!牠還在呀!!不要憂慮太多!! .\_/. 至少不要讓我失望、不要讓我心醉、心碎‥求你。 22/1/2003 好開心，有阿旗陪我吹水~^O^~如果佢可以成日返來就好了-3-，豆氏家族成員多D返黎啦T_T Pls~ 另外，今日我剪左頭髮o波。又係剪得奇短‥-.-"乜咁玩我呀老細...。 21/1/2003 今日放左工之後，我買左隻兔仔返屋企養呀~$30蚊渣，好平喎.O.O 點解無啦啦養兔仔?因為我見到同學養左隻超肥的大白兔成3年幾，搞到我都好想試下擁有隻肥兔，所以就衝動買左隻來養‥希望佢可以快高長大，唔好有事=.=^ 19/1/2003 我完成左幅油畫喇~但係未乾。整到個衫袖都沾左D顏料，有無人可以話我知點先洗得甩?! 不過，幅畫畫得太簡單‥實在太耐無畫畫。一時間唔知點構圖好，個腦勁遲鈍‥ 我LIKE夜景+海景，所以畫左幅風景畫=^_^=。有機會先比大家睇啦! 18/1/2003(星期六) 今朝9點到左沙田。約埋舊同事又上勞工處‥ 天呀~!這是人生第幾次上勞工處了?!‥真無奈呀‥痴線架‥ 經過音樂事務處，睇過章程後，突然好想學o下樂器。希望可以學到二胡、長笛、大提琴‥是旦一樣。(牧童笛就咪搞喇..=.=") (P.S 水哥以前係學校牧童笛隊喎..真想笑死。不過而家佢玩電結他玩得咁精彩，都算係咁上下啦~加油啊!!) 晚上去飲(舅父生日)，見返好多親戚，我好怕的場合‥因怕應酬麻~ 有細佬同佢GF-阿詩陪~太好了^_^~!! 17/1/2003 "放過自己、傻Helen，快D收佢皮!!" (取自日記) 15/1/2003 那個人往那裡去了?大概是消失了、死了。 14/1/2003 今日又要去勞工處喎‥真無聊呀。但可以見返2個搞鬼同事，梗開心啦~ 離開左勞工處之後，我行經旺角火車站橋底的Art-Supply(美術用具店)。忍唔住，入去睇睇。裡面有好多我喜歡o既野呀~>__<" 畫筆啦，各類顏料，雕刻用品等等‥我睇中左一盒48色(最多百幾色)的粉彩筆(好似木顏色咁款)。好正呀~好想要!!不過，講真，而家已經無得讀Art，唔多唔少我會失去左原動力去使我用心畫畫。以前讀書唔同，因為畫得好會比人讚，而我鬥心又強，所以每次交功課一定會落足心機同時間去做，絕不馬虎。讀書時代，我喜歡繪畫、美術的程度可是很利害。每當有美術功課時，我必會回到家第一時間放下所有東西去完成作品。就算份功課唔趕住交(什至可能有一星期時間去做都好)，我大多數會即日完成。每份功課，每幅作品，我絕不會做第2次。每次都是以最佳狀態才遞給老師。就算幅畫畫到中途，才因沒心機而畫得不好時，我都不會放棄它。我會等到有心情時，才執回筆慢慢再用心去修改‥這樣，又行了。為什麼我不肯重畫?不肯放棄那張已畫錯了的畫紙呢? 那是因為，我覺得每第一次想出來的idea與落色都是最準確的，多想了，反而會令到自己不敢放膽去用色去構圖。太多顧慮，那幅作品便不是"忠於自己感覺而產生出來的結晶"。這是我一貫以來的想法。對了，講了太多廢話。其實是想講，我買左一套油彩顏料與畫布。我會盡量抽時間去試玩呢隻顏料，因為是第一次親身接觸^^雖然類似的也曾用過，但始終有所不同。唔知有無機會等日後完成時，post上來給大家睇睇呢?哈哈... 仲有，當我見到店內有一款"可直接塗上布料-衫"上的顏料時，亦有衝動想買下來。因為我想畫件Tee-比我果3個fd-文、旗、偉一個驚喜。不過我知佢地實唔會欣賞我咁做，所以最後，我放棄這個想法了。 13/1/2003 旁晚時，同細佬去左鑽石山食雪糕-芝士餅。估唔到佢都鍾意食，可能係因為比我影響‥(以前我成日買芝士餅返屋企同佢一齊食) 同佢行街感覺好free，乜都唔使理。又唔使顧儀態，又唔使我拎野(購物時-.-")。乜都傾得，話一就一，二就二。又唔使我煩究竟食咩好，行邊度好(我最怕無主見的男仔)。乜都好似有人為我安排好晒一樣，呢個就係佢同同年齡男仔o既分別，一點倚賴性都沒有，這點很重要。另外，哎o也細佬--"阿鋒"今日要做手術~我知你一定可以好快好返，放心啦。 o係屋企休息o下仲好啦，係咪?鋒鋒，你任何時候都可以搵我，唔使怕阻住我。如果我忙，我會話你知架麻~呢個時候，你要比隻腳腳多D休息啦，唔好周圍走.OK?乖呀!! 12/1/2003 Today係細佬生日的日子。o係度祝佢生日快樂先!! 而去買禮物比佢時，我終於去左睇"無間道"呢套戲喇。係，我無錯係Out-day左D，咁遲先去睇。無法啦，之前唔得閒麻~(其實係懶，同無機會)聽到大家都話呢套戲好GOOD，咁我咪忍唔住去睇下o羅‥點知，原來真係咁GOOD‥ 睇到阿Sir-黃秋生死果一幕，仲差D o咸左出黎‥因為佢太慘了‥ 阿仁(梁朝偉飾演)死果下，都係‥點解D好人會成日死架?...唔制... Anyway，陳冠希同余文樂果段，都幾好。Edison Cool到震呀~>_<~ 我會比呢套戲80分(100為滿分)heheee... 9/1/2003 今早已經完成了一份"最後的禮物"給你。過多一個星期左右，你應該會"收"到呢份"禮物"‥hehehee我對呢份禮物信心十足呀。你將會成為獨一無二的一個‥(我o既心血，用左3個鐘去完成) 另外今日早左放工‥好特別的一個下午，因為天仲好光。果種親切o既感覺就好似平日你慣左下晝起身返工，但神奇地有一日正常返，要你一早起身返工一樣‥好熟悉，又陌生‥ 平日冬天呢個時間呀，我都仲未放工，仲o係學校，今日早左，見到個景好靚呀‥天係粉藍色，陽光唔太猛烈，我只感到溫暖，又有少少微風吹過，我條頸巾就o係背後飄呀飄~=^_^=。街上有車，有人，在我身邊不停地駛過，擦過，我沒有刻意去留意路人的面容。因為，我一直在想起，你‥‥‥ 8/1/2003 今日做過乜黎都已經唔係記得太清楚。 only記得，水哥同曳曳無返，陪左郭旗食豬扒飽，跟住送埋佢去搭車‥ 幸運地，有佢陪我，開解我，好多謝你呀~旗哥!雖然你講過果D野係無咩可能做到，但都已經令到我好開心，同好似多左個希望咁^__^。都唔知你係想令我開心所以先咁講，定係你對自己太有自信先咁講。哈哈‥ 原來，我都唔係一個好人。心腸又壞，又自私‥哈... 天堂我重玩緊一個法師，新名想左好耐，唔知叫乜好，所以改了做"茻昍"。因為我覺得呢2個字的造形好特別、好得意呀^^ 7/1/2003 今日勁凍‥但都ok咁啦。考Maths，我鬼識咩!平日最差係數學/_\... 遲D再加入多幾個專欄部份啦。有興趣可以留意下。 This is a 1st time I see U again...Don't STOP... 6/1/2003 (晚上) 好好好凍呀O(>__<")~O!!點先可以暖DD呢?無論著左幾多衫都好，都仲係凍凍‥o係個心度凍出黎。難受‥ 早上，謝曳o係我隔離做份試卷，我就不停o係腦中搵答案，一邊講佢知，佢就不停地抄下‥今次，我有信心佢實PASS先啦=.=(幫fd出貓) F.4份中文卷都唔易做，但太部份我都可以答到7成以上係正確o既。heheee 有一題，唔夠時間做潻，因為比阿SIR見到我幫手出貓，所以硬要收卷>_<，否則~實拎到好高分。就係一條，關於:曹劌論戰的。 Q:魯莊公同曹劌性格上有何不同之處? A:(你自己試下答先啦。睇下你仲記唔記得‥‥‥3-2-1-0) 咪就係:曹劌比較愛國，機智。魯莊公就處事公正，愛民，廣納忠言o羅。 6/1/2003 (凌晨) 今日學校D同學要考試測驗呀。 F.4 Tips: 溫死 "曹劌論戰" "以畫為喻" 同 "高潮" (呀no!係"花潮")實掂。 F.5 Tips: 著重溫 "弔古戰場文" "漢字的結構" 同"孔乙己" 就實無死!! 個人認為：以我F.5果陣咁勤力o既陣勢，比我考返呢幾課，都真係有D頭痛。而家先後悔以前無留心聽書，唔可以過目不忘。否則，我實可以好好地同你地溫書!唉，靠自己啦。而家唔努力，第日一定會後悔。呢句我講o既，唔信就算。Good-Luck!!^__^ 3/1/2003 今日呀!1月渣，新一年開始，做咩又要搞到上法庭(東區法院)呀?! 咪就係搞公司單野o羅!!第一次見到法官，原來可以串成咁。 (唔係串我，如果佢串我?我怕我會同佢撐到好行，到時打交都有份，唔想見報，所以收歛左) 搞左成日。唔使返工，我好enjoy。仲要同舊同事周圍去(行街-.-")，good啦! 31/12 又係同你地，好似自從上年果次之後，去開睇煙花有條癮。都睇唔到~煙花放得太低喇~係我衰啦~又要買水晶，搞到咁趕!! But,之後去食雪糕，我都好Happy呀~好like: 草莓味+桑莓芝士餅味ice-cream呀! 好甜，好甜~^__^~ 無得同學校3個死黨出街，真係有D可惜。奇怪在，點解阿"謝國曳"佢要打黎講句:"新年快樂呀仆街!"咁就收左我線?O.O 好騎尼‥==.==" 新年快樂"2"啦大家!! 24/12 咪就係同你地GF02去左BBQ o羅!仲記得果D叉燒嗎? 原來係咁燒o既!太簡單了。下次再鬥過啦~本來好眼訓o既我，燒起上黎真係can't stop呀=.="。癲鬼左!!仲有，原來大佬咁上鏡，果D video真係@o@"嚇死人喇。 Next time再拍過，我會投入D.~ok?! (唔係拍四仔~無打格正貨) 不過真係好鬼凍o波‥唔~~下年，once again啦。^^ 16/12 End 13/12 今日,係Hide的生日...我,仍是你的Fans... 今日,忍唔住o係水哥的懷裡哇哇大哭了.不是有什麼委屈,只是有十萬個不明白.就像17歲那年,四處向人查問:"為什麼?!"他們只答:"妳別太天真了~"當時哭死了,不願放手... 今天, 朋友卻說:"妳別太認真, 別放在心上好了~" 此時才明白, 我的智商竟停留在17歲, 沒有長大過, 依然是那麼蠢, 那麼放不低。所有事都是預計之中。 #多謝你曾經對我的好. 我很高興與你一起, 因你使我達成心願; 贈送了一份好美好美, 遲來的生日禮物給我... 雖然現在你要收回一切, 但我會記住記住... 祝你幸福。 6/12/2002 今日要去勞資審材處搞之前單野‥ 阿Bill都算好帶協喇，又要搞到我地眾員工咁多麻煩。如果佢一早肯簽左份"賠償同意書"就一天都光晒啦。一次又係咁二次又係咁三次都係咁。最終整衰都係自己個名o者。咁大個人,諗下啦!邊個做著佢老婆都辛苦，竟然有個咁唔負責任o既老公..-.-" Sorry，可能我太過偏激，咁都係佢迫到我地咁慘o者!!搵我地笨，自己又失蹤!! 今次有可能要搞上法庭，到時又唔知要過幾耐先可以賠到錢比我o地喇‥ 點解好似每年都要搞一次先安落? 真可憐‥ 辛苦晒大家喇!Tommy、Franco 1/8/2002 新一個月的開始。已經漸漸習慣新的工作環境‥ 如果可以一直咁落去，都幾捨意。^O^ 21/7/2002 前日已經收到勞工處的信和支票. 上年的欠薪已獲發放. 但睇返.個數...唔足.好多同事都係一樣. 收返only7-8成=.="好過無啦. 多謝晒!! 17/7/2002 今日update左一篇新內容。我結婚喇~~>__<~~!! 另外.返工搭地鐵時,..比個西裝友阿伯索左油...摸到... yeeeeeeeeeee!!男人真係好賤!!無咩男人係好人!!激死!! 12/7/2002 好眼訓,而家在新公司(學校)無得上網.悶死. 因為無裝寬頻,我都係自己亂插電話線,用返好耐無開的 CTI 56K撥號帳戶來上左一陣網.都唔知會唔會扣我阿爸戶口D錢潻呀...下次都係唔好咁貪玩. 而又要幫公司D學生訂做校服,所以去左太子果邊的校服公司揀校服樣式.平時自己著校服就多.要我揀款就有D頭痛.不過最後都揀掂左,第日全校學生會著灰色裙庫.白恤衫。行經花墟,見到好多得意野呀~~ =^__^= 有西瓜仔盆栽;種在水中的植物;捕蠅草;可愛豬龍草;仲有太陽花~$20蚊渣.但我怕難猜返屋企.所以無買~>_<好多靚花花... 好開心...我第日有機會的話,一定會買D返屋企種.近排屋企呢邊夜晚多蚊左,最好買D"驅蚊草"返來!趕走D衰蚊!! 禽日,返左舊公司.見返舊同事.好開心..見返班學生不知情咁繼續上堂.真係覺得有D可惜...佢地有幾個學生仲來conter一起同我吹水 ,唔入課室上堂.我就迫佢地入去聽書.同埋比D野佢地試下打.因為果堂教緊MS-Word...如果公司可以一直經營落去就好喇.. 以前成日埋怨公司在火炭區,好遠.又徙我車錢.但想起.. 而家雖然在旺角區做.係近左.但又點..得我自己一個.無得比Amy姐虐待, 硬係周身唔舒服...又無得好似以前一樣,蛇王上網玩.同無左班搞事的學生騷擾.真係太悶了... 勞工處快D出返糧比我就好... 誰都估唔到.上年學校執笠的悲劇,竟會又再在這間新開的"電腦學校"再度上演... 可悲呀!!!!!! >___< 7/7/2002 公司又唔知搞咩,仲未出糧比我!叫我點生活落去?! 激死!! 日日都無咩野做.咁樣落去唔係辦法... 26/6/2002 而家得我一個人o係公司,好悶呀. 同事走晒.不過咁仲好.唔使煩. 雖然同番舊同事工作,係我夢境成真的事. 但,亦都發覺出現左唔少問題... 之前公司執左笠,無野做,失業..成日都想公司可以開返,做返以前的工作...曾經發夢見到公司重開之日.好開心,亦幾傻...而家比我恨到, 公司真係以第2個名義開返.但以前的同事,大部份都不願返來幫手了.因為信唔過老細.其實我都係, 不過,諗住做住先...近排返工好唔開心.返到公司, 好似覺得個個同事都戴住個假面具一樣.無往日的日子過得咁開心.有點失望+失落.真係唔多想做落去. 上個星期五,好唔開心.我竟然打左電話去"撒馬利亞防止自殺會"...=.=".我唔係想自殺.我唔會咁做.根本我係怕死.打去只係無聊想搵唔識O既人傾o下計.對方唔識你,傾落會輕鬆好多.佢亦會因只聽你一面之辭,而唔覺意.企在你呢邊,幫你.乜都覺得你o岩晒^^.所以較易得到共鳴.解唔解決到問題,我暫不作評論.但傾傾o下都同社工傾左個幾鐘.幾好feel.我講o下工作上啦,家庭上啦,感情上的問題佢知.佢都比左好多意見我.但最終我無聽佢話,去實行去做某些事.^O^ 唔知呀.傾完feel心情好左就算.唔諗喇~ 我就係咁. 近排我轉玩MSN messenger. 記得上年我玩開Yahoo Messenger,都識到好多朋友(gcc啦, 仲記得佢嗎?我初次上網like的人)而家無玩Yahoo喇.改玩 MSN(hotmail有得download).都幾得意o既.識到好幾個古怪的朋友.希望可以一直keep落去啦.因為我覺得在網上識的人, 多數來講,都好難keep到友誼.失望~~>_<~~anyway! 有心就乜都可以實現~我相信架!! 好啦..唔講住喇.下回再續! 多謝光臨. p.s近來喜歡上"陳冠希的-故意"一首歌.幾好聽的.可以留意下.