ياخسارة
***
ياخسارة ياألف خسارة ** على عمري اللي ضاع ببلاش
على خلِّي اللي كنت
باشوفه ** عن حبي مايستغناش
على فرحة انتهت من بدري ** على قصة
ماكمِّلهاش
ياخسارة ياألف خسارة
على عمري اللي ضاع ببلاش
***
كان هوه
اللي كنت اتمنى ** كان هوه النعيم والجنه
كان أملي في بكره وبعده ** كان فرحي
اللي بيه باتهنا
واتغير مابعرف ليه ** ولا بعرف جرى له ايه
وآهو جاني وندهني
وقاللي ** أنساه وانسى افكر فيه
وياريته ماكان يندهني ** والكلمة
ماينطقهاش
ياخسارة ياألف خسارة
على عمري اللي ضاع ببلاش
***
وف مرة قابلت أصحابي ** سألوني عن اللي خلا بي
خبيت الدموع ف عنيه ** وقلت لهم .. أعز أحبابي
وقالوا لي بتكدبي ليه ** شايفين الخيانه عليه
مع انك بتخلصي ليه ** والخاين ماقدرهاش
وبكيت بس غصبن عني ** والدمعه ماخبيتهاش
ياخسارة يا الف خسارة
على عمري اللي ضاع ببلاش
***
حسني جاد