رجعت ترفـرف طيور العشـق بجناحها
ورجعت أغني أغاني الحب من تاني
وان شفت دمعة حزن بتراود أودعها
واسمـع بدلهـا ضحكه تـرن ف وداني
وأقول الحق لا نسيتي ولا نسيتها
حتى ف خيالي كنت القـاها قدامي
وأنا كنت بابكي بدمع العين ع الغالي
قولنا بنبعد ليه مانعرفشي
وليه نودع بعضنا ونمشي
فوقنا في لحظة لقينا البعد كان مكتوب
شوفنا ف عيونا بكانا وقلوبنا كات بتدوب
لا أحنا عرفنا اللي جرى وغير حياتنا
وإيه اللي خللى الحب جوانا بات مغلوب
لكـن إرادة الحـب ف قلوبنـا مابتموتشي
صحيت تدور ع الطريق حلفت ماترجعشي
والنهاردة اتلاقينا والفرحة جات تجري
وطلعنا فـوق السحاب طـايرين مانوقفشي
وحلفت تاني خـلاص عمـري ما اودعها
وهيه حلفت كمان إني أكـون معها
نبني بإيدينا العش ..اللي ح يجمعنا
وأحط إيدي في إيديها والضحكة نسمعها
****
مع تحياتي
عاشق الورد