Welkom by Armoria patrić, ’n webwerf wat op staatlike wapens in Suid-Afrika fokus – nie net dié wat huidiglik in gebruik is nie, maar terug tot by die vroegste gebruik van amptelike wapens vir die state wat die moderne Suid-Afrika voorafgegaan het. Dit vertel ook iets van die land se geskiedenis – nie in klein besonderhede nie, maar genoeg om die veranderinge te verduidelik wat in die verskillende wapens wat oor die afgelope anderhalf eeu in gebruik was, weerspieël word.