|
|
|
Benvidos ó primeiro numero
desta modesta revista dedicada ó mundo de Linux, o obxectivo principal
é o de pór á disposición dos internautas os
nosos coñecementos sobre Linux, creando articulos e documentos que
lles axuden a desenvolverse con máis soltura no entorno dun sistema
operativo que está en pleno apoxeo hoxe en día.
Imos intentar escapar do uso esaxerado dos tecnicismos para poder explicar de forma clara todolos conceptos sobre Linux. Esta revista espera que todo aquel con experiencia en Linux nos axude a mellorala e crear novos contidos e daqueles que se inician que envíen consultas e suxerencias. A páxina está diseñada dunha forma sinxela, para que a navegación sexa o máis rápida posible, por iso non usaremos case nada feito en java, ou non abusaremos dunha grande cantidade de fotos para que a páxina se cargue o antes posible. O importante non vai ser o deseño na páxina, se non os contidos, darémoslle prioridade á realización dos contidos que é o realmente importante. Calquera suxerencia para facer a páxina máis amigable podes facernola chegar á nosa dirección de correo.Esta páxina está aberta ós internautas que queiran mellorar algunha sección ou incluir algún comentario, axúdanos a dar un mellor servicio!. Incluironse dúas novas seccións que permanecerán fixas a partires deste número, a primeira recollerá documentación en galego atopada en Internet, tales como "comos" feitos por GzLiNuX, que é un conxunto de usuarios de GNU/Linux que se adican, entre outras cousas a traducir documentación ó galego ou incluso á creación de documentos propios. Neste número incluimos varios articulos traducidos por eles, para formularlles calquera consulta podes enviarlles un correo a gzlinux@egroups.com A outra sección incluida conterá documentos en castelán,que como no caso anterior, foron atopados en internet, tamén terá articulos feitos por GALINUX, como neste número que explicamos como instalar as man en castelán,pois de momento non as atopamos en galego, e pensamos que é mellor saber como se realiza dita instalacion e configuración para cando estea dispoñible en galego e porque as man en castelán son menos ariscas que en inglés.Poremos tamén nesta sección links a páxinas en castelán moi importantes sobre Linux,tal é o caso da asociación de usuarios españoles de GNU/Linux ou a páxina de cómos en castelán (INSFLUG).
Este primeiro número está aínda en proceso de creación, así, moitos artículos están sen rematar.Cando estea feito o primeiro número aperecerá na sección de noticias. Se queres que che notifiquemos cando fagamos modificacións na páxina, envianos un correo. |
|
