係15年前，我同爸爸同哥哥咁岩行過灣仔一條後巷，行過做咩就唔係好記得啦，只係知道行過個度，LI D都係哥哥話番比我知既，不過佢都唔係大我好多，大我一年就咁記得D野(哈,注定佢成績好過我=.=")我都唔係好記得，個時我應該係4,5歲，可能我見到D龜仔咁可愛咁得意，要求我爸爸買下來，以我爸爸性格當時佢一定有講:「買二隻啦，一隻比毛毛(我爸爸係咁叫我)，另一隻就比哥哥啦!」以我老爸性格，佢一定會咩都順晒我地，因為佢好錫我同我哥哥架!到依家成廿歲人，都叫我地係細路仔，又會間中買玩具比我地去玩，好開心 ^.^，就係咁我既大B同細B就開始進駐我地屋企啦，同時佢地既生命就交晒比我地啦!
之後既日子，我太細個唔係好記得發生咩事，只係知道一路以黎同佢地清潔呀、換水呀等等一切既事宜，都由我父親大人負責，我同哥哥應該只係負責玩，個時雖然大細B都好細隻，但係我都唔係太敢"圖"手拎起佢地，都唔知點解，可能係驚佢地抓到我既纖纖玉手啦，真係好驚佢地，到佢地愈來愈大既時候，重更加驚呀，個時我地一家人應該重係當大細B係寵物咁去養，佢地一直相安無事，都唔知點解佢地會無病無痛架，大個左我就知道佢地係唔夠營養，D人成日話D龜好難先可以長大呀MA，依家睇番轉頭，佢地相安無事咁長大都算好彩啦!HAHA!!!一直到左2000年既時候，問題就出現啦，可能大細B都老啦，都會好似人類咁出現D老人病，又或者出現D大個女既徵狀啦，所以就令我更為擔心佢地，由原先唔係好理佢地既態度，三百六十度轉變，變到超級錫佢地呀!究竟有咩咁令我有咁大既轉變呢!繼續睇落去啦..........
以下係2000年7月11日既一篇日記，我係咁記下:
哈!今日真係天大之喜訊，我家龜龜多年所出，上次是10/8/99，今天晚上被爸發現盆中有4隻龜蛋，當時我和哥哥在玩百萬富翁的GAME，突然之間，爸爸大叫:「隻龜生蛋呀!」初時，我還以為是衪們又在打架，真是叫我大吃一驚!之後每過一會，大龜有次有序的「咇」多幾隻出來，我叫爸把蛋拎走，放上毛巾上面，龜龜煩躁不安的在亂爬，不幸的是我們沒有發現一隻，被衪自己咬破了，可怕的是最後一隻我親眼看見衪「咇」左出黎呀!尾巴張大，便出世了...我叫爸拿起衪，因我怕(可見那個時候我還未敢"圖"手拎起大B)，哥哥說有些滑滑的物質，笑說是「羊水」呢!今天，大龜生了七隻蛋，一胎七小福，現已把蛋蛋用沙藏起來，還用燈照射了，希望小龜可以二個月之後出世啦!
11:00PM------發現4粒蛋
11:30PM------發現一隻被吃掉而死
12:00AM------再發現生左一粒
12:10AM-------六弟出世(親眼目睹)
就係咁大B自從我哥哥中五放榜個年生過蛋蛋之後，就年年都生，一生就生左五次咁多啦!佢每次生既時候仲要次次都比我見到，有二次仲睇住佢"Bit"出黎，真係好神奇呢!我知道佢一定生得好辛苦架,因為佢每次都分幾日去生，今年仲隔左成個幾星期先生晒。自從有蛋生既第二年之後，我地一家人就更加愛護二隻大細B，媽媽仲將佢地好似仔女咁土看待，因為有龜同佢一樣明白到生仔既痛苦呀MA~~~哈!!!
就係個年之後，我地比佢地周屋走，去邊都得，我地唔會踩親佢地架，因為佢地已經15、16歲，有番咁上下大隻，大B都有成25CM，而細B都有20CM，佢地爬得速度又唔係真係咁快，除非有D特別事件，佢受驚，就會用佢最快速度走，都唔知咩事呀，走得超快，包你話未見過呀!
咁多年黎，我同大細B都相處得好好，有D時候仲一齊訓呀!你地一定問，唔係下化，龜都可以一齊訓?!無錯呀，一定以為我癲左呢!哈!我有時夏天超熱既時候會訓地，而佢地就會好早起身，一早就爬去我個度，叫我同佢玩，唔係就係叫我比早餐佢地食。佢地咁多年黎，都一定係早起身過我架，講開都有D唔好意思，龜都無我咁懶呀!哈!哈!哈!
係我放佢地自由活動之前，佢地都係係個盆到住架，咁佢地個活動空間好細，個陣時佢地通常都會咩下，你地應該知咩係咩，咪咩LAW，所以大B既蛋非常之有可能已經係受左精架啦，咁我之後又唔係養佢地係個盆到，比佢地周街走，咁受精既機會又少之有少啦。點解我咁肯定D蛋已經受左精呢?係因為我同我阿哥都試過睇D網頁呀，龜谷呀咁，佢話要將D蛋埋係沙入面，比D溫暖佢咁，好似係35度咁，我都有照咁做架，個陣時真係好緊張D蛋，夜晚都有用人造燈照D蛋，因為好明顯受左精呀，D蛋一日比一日咁大呀，用電筒從下去照隻蛋，有血絲架!>.<"""其實佢生出黎第一時間就要唔好比隻蛋番轉，因為咁好有可能令個胎死亡，所以就要用筆MARK低佢，比自己知悉個方向。係我地咁好照顧之下，個粒受精蛋本來好大機會會出世架，但係......就係2000年8月7日......
因為我會考放榜，個陣都成夜晚12點架啦，我阿哥同我搵緊D學校野，好煩呀個陣，咁我又煩，阿哥就拎起用黎裝飾盆"育嬰室"既小瑚枝，個條枝係個時去沙灘到挖沙，挖黎諗住用黎埋D蛋蛋既，咁我見到條小瑚枝咁靚，咪拎黎裝飾LAW，點知就變左殺人既工具，唉!!!!阿哥無聊拎起佢係到"篤"呀"篤"，玩下D沙咁，原來佢唔知隻蛋埋得好出呀，咁就出事啦， 一唔小心就篤中隻蛋，死火啦!!!完全流產TIM，D水"巴巴聲"咁流出黎，無得救啦，要宣佈死亡，好唔捨得，因為個粒蛋就係唯一一粒有潛質成龜既一粒，我地竟然殺死左佢，無心架，好慘呀，都唔敢拎去解剖，怕會睇都隻龜既胎兒，咁就眼白白睇住隻蛋 一路一路咁凹左......縮落去....最後就放左係垃圾桶入面啦 ......鳴......
之後個幾年大B所生既蛋，都好快咁係一個鐘頭之內凹左，見圖，咁我地最後做法都係會先埋落D沙到，試下會唔會有機會發大，好可惜通常都係無架，可能你地會問點解唔放埋一齊呀?!咁蛋蛋就可能幾龜龜啦?!不過我放佢地一齊，細B又成日咬大B，雖然我明白佢地係愛既表現，但係我就係唔想大B受到傷害呢?佢病過黎架，又係另一次既經歷...........
係2001年9月13日，個日係美國911之後二日，我個日同呀哥係屋企，無野做，同阿哥打緊機，個時將大B放落個盆到比佢食野，無埋佢啦，突然之間，聽到D好奇怪既聲係大B個盆發出，"Fer Fer"聲咁，咁我就走埋去睇下啦，我見到個情景嚇左我一大跳呀，大B係水入面條頸伸到超長呀，不出5秒，"Fer"一聲就縮起左，跟住又伸返長，個情況不斷咁Repeat又Repest，不停咁，咁到好似無咩，佢每次更吐出血來，將成個盆染左紅色呀，好驚，個一刻我第一次感受到咩叫手足無措，我又唔知點可以幫佢減低痛苦，佢真係好辛苦咁，我同哥哥都唔知可以做D咩，只係不斷同佢講，你要支持住，唔好有事呀，情況持續左十五分鐘都無咩起色，LI個時候，我同佢講，你係咪好辛苦呀，你想哥哥幫你換水既就放低個頭啦......大B好辛苦咁將個頭放低，佢真係聽到我講既說話呀，哥哥好小心咁將佢放出黎，佢仍然不斷咁吐血，佢吐出黎既血更將地下白色既磚染成左一點一點既紅色，我地將佢放番入盆到，佢仍舊無好轉，我那時可做的就只有將眼眶中打滾著的淚徹底釋放出來，口中就大大聲的說著:「大龜，你不要有事，支持下去呀!」
我當時怕得要命了，已經再沒有勇氣看她吐血的情形，我怕會親眼的看著她離開我，很怕.......不知過了多久，已沒有再聽到大B發出的Fer Fer"聲，我走近一看，她．軟弱無力的靜臥在盆上，明顯的已經無力再作任何動作了。媽回家，把一切事實告知，媽也嚇了一跳。
另一天，我和哥哥決定按照網上人的介紹，去那大圍珍禽異獸診所，為大B看病，已經不顧得任何因素了，我們要作主人應該做的事，拿住一個紙皮箱子，放了大B進去，只希望她不要途中吐血便好了，途中的她，好像已經沒事一樣，奮力的在箱子內爬呀爬，似是知道我們帶她出街一樣，心想這次也是搬入新屋以來，第一次帶大B出外，有點慚愧。我和哥哥花了一個小時入到大圍，拿著那本地圖在找呀找，記得那太陽是這般的曬，很熱，很熱。
到了那間診所，那是一間有如人的診治室，我們因為之前已經預約好了，走到那助護登記，佢問我地龜叫咩名，一時之間，我同阿哥都啞口無言，因為養左佢地十多年，都無諗過同佢地按個名，個時隨便咁就同個助護講，叫「大龜」啦!咁佢就係個張form到填左li個名啦~~~~好啦，等左好耐時間，終於到我地啦，因為之前有隻狗比車撞傷了，所以有特發事故，我地d普通門診就要等耐D啦~~
個獸醫叫做DR.TRIGER，係個女人黎架，雖然叫做老虎，但佢一D都唔惡呀，仲好好人TIM，佢用英文問我地大龜有咩事，佢叫大龜個時用中文架，真係好親切架!!!個時有個助護係有幫我地番譯呢!結果佢講左D野，什麼GIVE BLOOD呀???EXTUDE呀???TURTLE呀???我都有D明明地架，咁講完之後，DR.TRIGER又問D野，我地用中文答，個助護又番譯咁，佢問我地有比咩佢食，有冇食菜呀，有冇食肉呀，我地將大B既飲食習慣講晒比佢聽......
my bbs: http://www.keyhk.com/cgi-bin/guestbook/view.cgi?id=54093
