Things ENI 6

1st year ba to adto o 2nd year. Sa sige jud nga panglawgaw sa ubang mga laki, nidegar gyud tong usa sa iyang kursunada. Under the coconut tree sa may Admin Ofc pa gani tong iyang pagpaninguha. Sugton na unta siya sa girl, mantay kay igsakto man pud nga nilabay ang gamotor nga magulang nga lalaki sa baye. Kay istrikto lagi iyang magulang, wala madayun ang iyang pagsugot sa laki nga crush pud unta niya.

Kadtong Hell Day nato sa SCO.  Naa tay River Crossing nga mulatay ta sa pisi.  Unya kay mubo ra man ang nadalang pisi maong dili makaabot sa pikas nga pangpang, gihikot na lang sa duha ka lubi.  Gipakatkat ta sa lubi dayon latay sa pisi, pakamang-style para makaabot ta sa pikas nga lubi. Ambi, kinsa man tong gipaningot ug balugbog sa kakulba?  Naa pud toy napaksi ang panit sa duha ka tudlo sa iyang tiil kay iyang gigamit ang mga tudlo sa iyang tiil pag-ipit sa pisi dayong sikad para makaabante siya.

Kung unsa ka gamay kaniato si Arnold, mao puy katagning sa iyang tingog.

Kay daghan lagi tong mga bold magazines adtong panahuna, naa toy gaplano sa atong Hell Day nga pahubuon tang tanan sa grandstand unya tagsaan ta ug hatag ug bold magazine. Kung kinsay "masuko", labtikan ang tumoy sa "nasuko" ug lastiko o tukog sa lubi.  Maayo gani kay wala madayon kay ang uban ra ba, baling ngilngigang mag-concentrate ug makabasa na ug bold stories.

Adtong didto na ta sa Ilaya sa Hell Day, naa toy tigulang nga bayot nga maoy gaakatar nato. Siyay gapahulam ug mga galamiton, nagluto sa atong pagkaon ug ningdugang pud sa pangpalit ug usa ka tarong tuba.  Agi ug pasalamat sa iyang pagtabang, gipaadto ta sa kasagingan sa tabuk, tanan gipahubo, unya gipapili tong bayot kung kinsay iyang "crush", hehehe...

Kadtong snake-crawl nato sa Hell Day nga gipaagi ta sa kabatuan.  Daghanang paslot tong akong tiyan adto.

Daghan tong bilib ni Sir Jordan kay fluent siya mag-iningles. Diretso gyud, walay hunung-hunong.

Pagkahuman nato sa Hell Day, gipatalay  ta.  Dayon gitinagsa ta ug halog sa atong mga CAT instructors dungan ug sulti "You are now my Brother". Ang problema kay pagkahuman ug sulti, gipakapinan pa gyud ug upper-cut.

Kadtong cylindrical nga balagtingan nga gibitay sa kilid sa Admin Bldg. 12-1 istambay to. Ninglukso si Rene kay muadto unta sa Admin Ofc.  Susko, kay nalimtan man niya ang balagtingan, bali gyung pagkapakong sa taas sa iyang ulo sa ilalom sa balagtingan. Nitingog pa gani tong balagtingan tungod sa impact. Ingon si Rene, ningngitngit gyud kuno ug karyot ang iyang panan-aw. Kami pung nakakita, murag nasakitan sa among nakita.

4th year ta adto. Pwerte natong hubuga adtong gainom tag tuba sa ilang Kapa sa Ilaya.  Nag-black-out gani adto si Terd. Unya kay kinahanglang mubalik sa ENI kay naay affair, gipukaw si Terd unya gipainom ug bag-ong pinabukal nga barako coffee.  Sa kainit siguro, nahislot ang dila ni Terd maong nawala ang kahubog niya.  Didto sa ENI affair, si Nilo maoy ningbasa sa Introduction sa Guest Speaker nga si Jonathan Alcantara(?).  Sa kahubog pud ni Nilo, ang iyang nasulti - Jonathan Alonso man hinuon. Pagkanaog ni Nilo sa stage, gatingsi na si Terd kay ila na diay nga gipa-dragon didto sa grandstand.

Still sa ENI affair.  Si Nilo man siguro tong gabasa sa Class Prophecy una siya ning-introduce sa Guest Speaker.  Kay na-bad-trip lagi sa iyang pagkasayop, pagkanaog niya sa stage, iyang gilabay sa basurahan ang kopya sa Class Prophecy maong wala na siguroy makitang kopya ug naa bay nasunod adto.

Sa ilang Ruben na ni, tupad lang sa balay nilang Kapa.  Nakuratan ang mama ni Ruben, ningkaratil jud ug saka sa hagdan  kay galagubo ta didto sa salas sa taas nila, ambi niya ug gasumbagay na.  Unsaong dili maglagubo nga kahoy gud ilang salas sa taas unya mga hubog tang tanan gapasikatanay ug breakdancing.

Nagkasumbagay pud to si Kapa ug si Dolpo pero ambot ug unsa toy sinugdan adto.

Gasumbagay to si Terd ug si Asterio sa ka Marina tungod lang sa dinoldog.

Kadtong mga jogging nato adto sa Polo. Naa pa tay mga jogging songs...  "Eating, no good.  Jogging, very good!", etc.

Ambi, kinsa man tong expert sa pangolekta?

Lami tong mukaon ug banana cue sa ka Marina (the famous dinuldog house atbang sa ENI) kay bag-ong luto  gyud unya barato pa. Pagkahuman ug kaon, ipanglabay ra man sa mga laki ang sticks didto sa yuta.  Naa toy bag-ong tigulang nga gatabang-tabang sa tindahan, gipamunit ang mga sticks. Kay naa lagiy dakong dust pan ug silhig tukog, gipangutana siya sa usa ka laki, "Tiya, nganong gatuwad-tuwad man ka ug pamulot ana nga naa may silhig?". Tubag pud sa tigulang nga gidunganan ug pahiyom, "Kay pwede man ning hugasan ug gamiton ug usob.".  Sukad adto, pangbalion na gyud sa mga laki ang banana cue sticks una ilabay sa yuta...

Si A, naibog ni B, pero si B, naibog man ni C, unya si C, naibog pud ni D...

Kadtong namista ta sa lola ni Odracir sa Azagra.  Gapagawas bitaw to si Likit ug long neck, pwerteng lingawa nato adto kay una to natong inom ug long neck sa atong grupo.  Dayon didto ta adto nawarningan nga maglikay ug inom sa usa ka bino kay ug paiinitan diay sa adlaw, mugahi man nga murag plastic.

Kadtong U-bench sa Rizal Park, saksi sa daghang mga pagpaninguha.  Naay mga ninglampos, naa puy wala.

Usa sa timailhan sa mga lalaking gabirig-birig ang pag-uban ug lakaw ug tuyok sa Rizal pagpanggawas mahapon.

Kadtong mga exams nato nga hilom ta kaayo dayon mukalit lang ug kagalkal ug ubo si Josie. Magpaunhanay pud dayon ug lawgaw ug comment (usapa! tunla!) sila Obert, Ferdie, Oming ug Cata. Kataw-anay na lang pud dayon ug maayo pero daklit pud pasimple ug pangatana/suhiranay sa katupad mentras mangasaba ang instructor.

Baling pagsikat adto ni Michael Jackson sa iyang Thriller labi na iyang buhok nga sigeng gigamitan ug gel.  Kadtong uban nga nanuhid, pero walay ikapalit ug gel, gagamit na lang ug baby oil.

Sila si Oming ug Ferdie, giabot pud sa ilang pagkakullisaw, ninggamit pud ug baby oil.

Ang managsuong si Gemma ug Greta, parehong tag-as ug buhok, straight, hapit na muabot sa hawak usahay. Sa exams, ang buhok ni Gemma ang iyang ipang-cover sa iyang test paper. Ang siawanay adto, kay naa kuno gitago ni Gemma ang iyang kodigo sa iyang buhok, hehehe. Siaw lang kay bright man pud to si Gemma, but-an pa.

Ang alom sa nawong ni Raquel...

Sige to ug kakasab-an ni Ms Manso si Roy kay sige laging gausap ug chewing gum, "Roseler, stop chewing that gum in my class, you look like a goat. Spit it outside." Iskas-a, gipaagi lang ni Roy ug huyop ang chewing gum sa jalousie, gimalas kay ningtapot man. Another kasaba na pod. Ningtingsi ra pud siya.

Hilig to si Ms Manso nga mag-ininglis, she prefers to pronounce Roseler and Estrela  for the Spanish names Roseller and Estrella. Murag didto to gasugod nga mangalanan si Estring ug Stella Strada, the bold star.

Kalkag to kaayo ang buhok ni Grecian, pinalingin pa murag afro-style...  Ang buhok pud ni Pitos nga pinalinging pud pero gatindog nga murag mga dagom...

Bhals - now a name, soon a legend. Gi-correct si Nilo sa iyang vandal kay "You can only be a legend after you are dead."  Maayo gani kay nadawat na ang mga "living legends", hehehe...

Balik sa HOMPAGE