Things ENI
Nagbulong pa ug ice plant silas Eva para mangayo ug dry ice para sa smoke effect sa cheering competition.  Na-tense ang uban kay hapit na magsugod pero wala pa sila ning-abot.
Kung ang mga lalaki nagkaribal, hasta pud ang mga bayi nagkasumpaki sa usa ka lalaki.
click to enlarge details
Lipay na ta kaayo adtong first year ta kay wala ta maiwit sa cheering competition.  Ning-tie ta sa College of Agriculture
Nasud-ukan mi sa among barkada adtong English class ni Ma'am Fabe tungod adtong istorya sa libro nga ang mga baka sa Japan pagaimnon pa ug beer ug honey unya naa pay masahe.  Mao diay kay kinamahalang karne kada kilo nga tiglinibo.  Nasud-ukan mi kay hangtod lang mi inom ug tuba unya ang mga baka diay beer pa ang gipainom.
Kadtong gapacensus ang munisipyo unya bisag kinsa na lay gidawat nga magpalista.  Hasta ang uban hapit pa kapaaki ug iro.  Apan pag-abot na sa sweldo, bali ng gamaya ang gihatag maong baling isuga sa uban.  Ang uban nga ningreklamo, gisemplehan ug hatag ug dakong sweldo.
Pista, gidala akong classmate didto sa inom sa balay sa iyang amigong bayot. Tantong pakislap ngadto niya sa usa ka bayot, nadala siya sa guwas sa may hagdan ug gi-date siya dayon didto kay ngitngit lagi. Pastilan kay niabot man ang igsuon sa tagbalay ug nasakpan sila maong gikasab-an ug gipagawas sila. Lantaw sa sila sa bayle sa gawas ug paglapas ug usa ka oras nakita nilang ninggawas ang nakasakop nila maong ningbalik sila para makainom na pod sila.  Matay kay ningbalik man pod ag nakasakop nila maong pwerte nilang kulbaa.  Maayo gani kay halap to unya ngitngit adtong nasakpan sila maong wala sila kailhi ug bali pang lingawa nga natig-inom nila. Gisigeg siaw ug hunghong sa akong classmate ag bayot nga musimple silag kanaog pero wala gyud musugot ag bayot kay nahadlok na.
Talk of the town: ag confident Ms Tanjay contestant nga sige gyud gauna sa paglakaw ug movements sa pagsayaw para paguwason nga cheerful siya. Pag-announce na sa resulta, ningiwi ang iyang mga ngabil niya kay placer lang siya. Ag laing contestant kay giadto ang sastre para pamub-an ang iyang shorts maong niguwas siyang sexy kumpara sa uban.
Sa SCO, uso nga papaliton ang mga tyro ug roses unya ihatag sa babayeng gipaninguha sa CAT officer.  Pastilan kay nabali man ag sanga sa rose paghatag didto sa baye maong gipapush-up gyud sa officer ag tyro
Kay wala macheer leader si Teddy, siya na lang ang gikuhang mascot nga Kilometrico ballpen ug nanghulam pa ug maong si Rico para magamit niya. Pastilan kay ningkusog man ug ulan unya namantsa ang maong, pwerteng isuga ni Rico.
Baling daghanang tawo nga nanglantaw adtong invitational nga volleyball sa plaza. Didto na lang mi ningkatkat sa atop sa eskwelahan sa plaza. Atol pod nga hinog na ang mga bunga sa makopa maong bali namong enjoya pangaon. Wala na mi mangahadlok ni Tio Enoy kay dagko na mi.
Balik sa HOMEPAGE