25th,October,04 Mon
Am i going back to my daily routine?? i dunno...... benben 在我的桌上寫著:the file was closed 我知....我都盲目了..... 但面對「視而不見」的日子 心裡不禁由衰嘆了一句:「點解要攪成咁?!」 曾幾何時我倆每天有說有笑、無所不談 要接受那些歡笑日子的離去 只有婉惜∼∼ 在我腦裡,10月的時光彷彿是空白的,更不再重要 剩下的只有10月前的回憶與無奈...... 沒錯!我的樣子總是滿不在乎似的 這是因為要告訴自己不要再在乎 在乎...在乎....在乎....不在乎...... 只希望回憶能歷久常新、甘之如飴 今日重看自己其一篇作品,上面寫著: 「危醫生告訴我,我的離開其實只是離開了一個圈 他日我們仍有可能在另一個圈相遇, 到時大家也長大了、變了再重新認識」 上天既然安排故事如此進行,我也只得默然接受
昨晚2:30才睡 今天"反精神作用"大行其道 Great!整天都好集中! 突然覺得中七學生是何等渺小 好low level...
「身邊的人可以幫不了你,但絕不能拖累你」By Jamie *頭髮甩甩大步的走開,我會一個人活得精彩*
Try To Make My Life Being Simple It's True! Be A Lady!
|
24th,October,04 Sun
選 擇 了 一 樣 東 西 . . . . . . . . . . . . . . . . . . . . . . . . . . . . . . . 孫 永 康 老 師
患難見真情 錫晒包包、benben、家豪 這段日了沒有你地,我當真不知如何撐下去 大密西根湖效應出現了 它告訴了我這件事裡,受傷最深、失去最多的一定不是我 我的圍牆雖然有一條柱倒了下來 但其他的卻建得更高更鞏固
零晨三四點看"Sex and the City" VCD 真係覺得自己好白痴...... 中意睇"Sex and the City" 點解要扮中意睇卡通片呢? Carrie.....Carrie......Carrie......Carrie......Carrie....... 玫瑰雖然有刺 但我總相信總有人懂得欣賞 並勇敢拿起它 Guts........ 諗諗下....4粒藥攪到自己塊面出晒瘡 十億個唔抵.......我塊面喎∼命根來架!!!
多謝區詠懿提醒了我 差點兒忘記了在辯論台上的珈儀 我應該用盡每一刻讓自己的生命閃耀 要我時時刻刻都洗杯 Sorry! i cannot do dat!! 神彩飛揚的珈儀快要回來了∼!!
有點兒覺得返學就好似返戰場咁 背起重到透唔到氣嘅盔甲 ( s m i l i n g i s m y a r m o u r ) 唯有當ben ben 同susan住在我身邊 才感到安全
To All My Friend:It's My Last Time, Plz Dun Scold Me∼
自己都不珍惜自己,誰會珍惜我?! 要學懂愛自己 身嬌肉貴
|
12th,October,04 Tue
。我多麼想在森林裡盪鞦韆 。可是我害怕會摔斷腿 。害怕驚動沈睡的小精靈 。害怕會吵醒大野狼或山老虎 。我只要靜靜的站著,靜靜的站著,靜靜的站著 。享受這片刻的幸福
本以為可以瀟瀟灑灑 但卻發現自己一天比一天在乎,一天比一天害怕 害怕最後會剩下自己,孤寂地站在森林中央 從沒想過會如此害怕 終歸直至現時,也只不過是個一星期的故事 但我的心就彷彿跌進了流沙裡 那種引力使它不斷下陷......下陷......
『一個幽暗的短夢 使我嘗盡了一生的哀樂 聽驚怯的夢的門戶遠閉 留下長長的冷夜凝結在地殼上 地殼早已僵死了 僅存幾條微顫的動脈』 ==這就是我心靈的感覺==
無 論 你 喜 歡 誰 請 你 繼 續 留 下 身 邊 這 個 位 置 時 常 在 內 心 一 隅 剩 低 幾 寸 留 給 這 女 子 誰 共 你 好 都 不 礙 事 我 都 會 衷 心 支 持 未 必 所 有 關 係 亦 受 得 起 刺 激 但 我 可 以
|
18th,September,04 Sat
嘩......原來咁多日冇寫到日記的了...... 是這陣子很忙,又不想開電腦 而且寫日記也蠻費時的∼∼ 仲有.....我唔覺得有人睇.......冇咩動力.......
講起這星期真係.....嘩......又煩....又嘔心......又有開心..... 可謂百感交集∼! 最激氣係星期三我唔知醒,冇返到學 我真係好想返架...鳴......鳴......... 我0%缺席的目標已破碎 不過我唔會就此放棄!最新目標係維持只有一日缺席! 這星期真係累到痴線,未夠10:30已睡了∼ 仲要係神志不清咁睡著,好唔抵∼浪費晒d時間!! 主要原因係上星期六通左一晚頂 真係愈諗愈激心,死人李仆佳∼!! 我呢一世都唔要再見到呢個人!!正一 "嘔心皇"......
但我唔會俾呢d賤人令自己唔開心∼∼ 唔知幾時開始,我中意左返學 可能係太喜歡現在的座位吧∼! 空堂、小息、lunch、上堂雖平淡,但又開心∼∼ 應該係自己大概都清楚 "現在什麼對我最重要"
我好清楚自己做緊d咩、做左d咩、想做d咩... 人生總會有唔完美的故事 *但當他日已飛越千山,回頭一望亦只會一笑置之 *嵗月是任何傷口的良藥 既已成定局,便好好的繼續向前走吧∼! 我很喜歡現在每天也帶著微笑的珈儀
其實啦啦隊也令我很懊惱 本來今年陸運會咩都唔想攪,但始終都係放唔得低 老實講,我今年真係冇上年咁有信心 可能係上年我係將全部心機放晒落去 今年話晒我都只係輔助的角色 時間只剩下一星期,我點都要肉緊d架喇 目標係『超齊』!睇住來∼∼
尋晚好開心,同包出TST 本來約埋jamie,但佢最後都係冇出現 出一出去,又燃燒起我d購買慾了 有一連串野想買...HELP!! 好在今次控制得到∼∼ 我同包今次每人都有一個故事 她有可愛的cable仔,我卻係嘔心的李仆佳 她聽過我的故事,結果都係「嚇死隔離二叔公」 呢個世界點會有d咁嘔心嘅人架∼!! 去mama’s見到個ok靚仔的鬼佬 佢同佢個frd講話我地係係gf 可惜我地9秒9 say NO! 佢冇癮地走了∼超...一開口就同我地講粗口 唔好意思.....我地唔係咁隨便嘅女仔∼∼ 時間過得好快.....好開心...!!! *知己.在心中* 又俾杯strawberry攪到wing wing地 上車就大覺訓,好在落得切車...
媽咪尋日一個唔該都冇就同楊太上左廣州 真係冇尾飛陀...好掛住佢添∼ 今日同sirsir、寶姐姐、誠仔飲茶 可能sirsir都估唔到我會去∼∼ 我都唔知點解我會去,去左個心好似好過d 同佢又去百佳shopping
咁又一個禮拜loo.... 我諗下個星期都未必寫到日記 哈哈...日記已不知不覺間成為週記了 do hw now...
P.S. 嗚...嗚...嗚... 冇人留言....人緣唔好?! 我個樣真係好凶咩?
|
6th,September,04 Mon
今日測中史,寫到成條右手癱瘓 都算識,希望成績成正比啦∼!
下午做低年級週會司儀,係"學生會答問大會" 好悶!好冇氣氛,都唔似得上年咁激 兩個候選內閣都超禮貌,但講野冇Point 1號內閣有個男仔令我冇辦法唔諗起 my ex-bf 個樣雖然唔係好似,但個feel 超似 望我嘅眼神又似,站姿又似....... 佢令我諗起好多野......
放學去了看信社啦啦隊,um......老實講,唔睇好∼! 好多人都問我點解唔教,其實是否中七是另一回事 係啦啦隊實在太累人了∼ 今年陸運會都係做表演好了... 如果帶啦啦隊比賽,又贏就唔好意思啦! 輸的話更加死... 我最唔想就係愛社贏,鬼叫佢個啦啦隊長pk 哼.....我淨表演都可以足夠潤死佢.....死賤人...... 哈哈.....而家都係事不關己,己不勞心好∼ 那兩天安心做司儀好了∼∼
回家時買了利口樂的「接骨木花味硬糖」
|
5th,September,04 Sun
今日成個下午都留了在家溫中史 好專心~~!! 但好似溫極都唔係好記得.... anyway....do my best...!!
溫書溫到呆呆地,但都要去屯門跳舞 我好怕miss 堂,因為下次跟會跟餐死 今日D steps 好靚,好中意跳 好有活力,好勁,好型...總之就正... 我就係中意跳這style 的東西 不過自己偏偏唔爭氣,呆下呆下記唔到steps 上日好慢先上手,到開始得得地時又要走了
回家繼續溫中史
|
4th,September,04 Sat
晚上同媽咪& SirSir 去天恆打冷 超好食....尤其係蠔餅∼ 記得以前很不喜歡吃潮州粥,因為淡某某... 但今天覺得很好吃,大概係d餸汁撈晒落去 真係好好食!!
|