<EnJoY LiFe 66> - Moon Walkers
今日節目豐富，晨早起身過左葵涌個邊教跳舞，
教完即刻返屋企準備東亞運動會義工個面試，
下晝五點去到美孚個邊面試，
的確係如網上啲人所講，
面試係包括英語/普通話自我介紹同小組討論，
我表現得唔係咁好，啲英文差左好多。
面試完就搵霍公子去尖沙咀行街食晚飯，
我係Dmop 新開嘅 Sales Shop 買左見日版 Evisu Tee，
又再次執到平貨，$100咋，幾靚，
不過最後發現原來係男裝黎嘅。
買完衫，食左餐快飯就去太子準備行盲俠行。
去到旺角花墟公園，好多人呀，好似行花市咁。
出發之前，影番張大合照先。
我地 11:30a.m. 出發，未開始行已經好眼訓喇。
我地12:30a.m. 玩完個朦眼遊戲，到左第一個 check point。
之後成組人就行到散晒 lu，好彩有霍公子成程都陪住我。
2:24a.m. 終於行完條長命斜，仲有 10km 咋。
同時收到西門同學嘅打氣短訊，要繼續努力先得。
3:12a.m 到達第二個 check point。
見其他組員在之前的休息點都沒有停下，
而周圍又不見他們的影子，於是我地兩個就繼續向前走。
雖然落斜路對腳好痛，但為了追上他們，
我地都愈行愈快.......
4:15 到達終點，終於完成左 20km 嘅旅程.
哈哈，依然找不到他們的影子，原來我地最早到達，
好犀利呀，一口氣行晒 20km。
最後，無野做，拍個合照留念先。
無聊的等待他們。無聊的等待日出。
(....待續 )
That's my life! =D
VienneTTa 15-November-2008
-------------------------------------------------------------------------------
~ 突破自我，釋放無限潛能 ~