Zulmat_kade meiN mere shab-e-GHam ka josh hai

Ik shamma'a hai daleel-e-sahar, so KHamosh hai Sha'ir~1

Nai muzda-e-wisaal na nazzaara-e-jamaal

Muddat huee ki aashtee-e-chashm-o-gosh hai Sha'ir~2

Mai ne kiya hai, husn-e-KHud_aara ko be_hijaab

'Ai shauq, yaaN ijaazat-e-tasleem-e-hosh hai Sha'ir~3

Gauhar ko iqd-e-gardan-e-KHubaaN meiN dekhna

Kya auj par sitaara-e-gauhar_farosh hai Sha'ir~4

Deedaar baada, hausla saaqee, nigaah mast

Bazm-e-KHayaal maikada-e-be_KHarosh hai Sha'ir~5

'Ei taaza waaridan-e-bisaat-e-hawa-e-dil

Zinhaar agar tumhaiN hawas-e-nae-o-nosh hai* Sha'ir~6

Dekho mujhe jo deeda-e-ibrat nigaah ho

Meree suno jo gosh-e-naseehat niyosh hai Sha'ir~7

Saaqee ba_jalwa dushman-e-imaan-o-aagahee

Mutrib ba_naGHma rahzan-e-tamkeen-o-hosh hai Sha'ir~8

Ya shab ko dekhte the ke har gosha-e-bisaat

Daamaan-e-baaGHbaan-o-kaf-e-gul_farosh hai Sha'ir~9

Lutf-e-KHiraam-e-saaqee-o-zauq-e-sada-e-chang

Yeh jannat-e-nigaah woh firdaus-e-gosh hai Sha'ir~10

Ya subh dam jo dekhiye aakar to bazm meiN

Nai woh suroor-o-soz na josh-o-KHarosh hai Sha'ir~11

DaaGH-e-firaaq-e-sohabat-e-shab kee jalee hooee

Ik shamma`a reh gaee hai so wo bhee KHamosh hai Sha'ir~12

Aate haiN GHaib se ye mazaameeN KHayaal meiN

'GHalib', sareer-e-KHaama nawa-e-sarosh hai Sha'ir~13