Havez vua propra senpaga ttteyo
La "kombucha" nomizesas tale pro ke ol deskovresis da Japoniana mediko nomata Kombu ma ol nule relatas kun la algo samnoma.
Trairinte India e Rusia, la "kombucha" atingis la landi di est-Europa, ube ol esis tre populara til la duesma mondo-milito. Konseque dil severa porcionizado dum ica epoko, la nigra teo e la sukro nekareebla por konservar ica precoza fungo divenis netrovebla. Nulu plus povis konsumar olu ed ol oblivieskis. Tamen ol riaparis en Italia dum la yari 1950 dum qui ol esis tre segunmoda en la alta klasi sociala.
Erste en 1960, Suisa laboratorio exploris olua medicinala propraji e demonstris la povi desintoxikanta e kontre-kancera dil fungo deskovrita yarmilo e duimo antee dal veneracinda Kombu, e quik de 1964 la "kombucha" riaquiris olua anciena populareso en Suisia, Germania ed Austria. Tre recente ol arivis a Francia.
Grande konsilinda:
La "kombucha" desintoxikas l'organismo profunde e samatempe stimulas la glandi e plubonigas la metabolio. Ol esas ecelanta por kombatar la kolesterolo e l'urinala acido. Onu povas uzar ol efikoze kontre goto, reumatismo, fatigo korpala ed intelektala, sexuala febleso, nervozeso, senilesko.
Olua kontre-kancera agado povas explikesar per la forta acideso di lua preparajo. La cienco savas nun ke acideso kombatas naturale la alkaliizado, ed alkiliizado favoras la kresko di tumori.
Drinkajo ye "kombucha" esas fortiganta por omni, inkluzite por la homi qui esas en bona sanesala stando e tale trovos agreabla moyeno por su desdurstigar... e mem anke plubonigar sua stando. Li povas konstatar rapide ke li rezistas multe plu bone a maladesi produktita da plukoldigo. Ultre to la "kombucha" protektas la denti dil kindi* e dil adulti kontre la karii. Kuracado ye kelka semani singlayare per "kombucha" povas nur plufortigar la vivozeso.
La konsumado: Onu drinkas generale la "kombucha" kom fermentacinta drinkajo konsistanta precipue ek teo e sukro. Ne esas konsilinda preparar olu per su ipse, ma on povas facile komprar ol che vendeyi pri naturala e sanesala produktaji.
Segun artiklo da Jan Kristiansen en: "La Vivo Naturala".
*kindi: pro ke mankas vorto por nomizar samatempe infanti e pueri, me propozas la Germana radiko: kind, angla slango: kid. Do kindo e pluralo: kindi.
Ica artiklo aparis en la revuo "Letro Internaciona" # 8 di aprilo-mayo-junio 1998
Redaktero: Jean Martignon
12, rue Maurice Utrillo F-91600
Savigny sur Orge
Francia
Interreta adreso di la oficala TTTeyo: http://members.aol.com/idolinguo/index.html
Havez vua propra senpaga ttteyo