Mayap neng ningnang a tuyu ketang susulapo pugu. | Ing pusang mepali na, marimla man tatakut ya. |
Mayap ne ing sadya mung balu, ketang pangutang mu pamu. | Kanyang mapaling bandejo, ali ya dugpa ing lango. |
Bayu ka sana manatsa, magsalamin
ka pang kapsa
bamung lubus abasa, itsura mu nung nanu ta. |
Ing panulung droga, at ing MariJuana king paritak-ditak lalasunan naka, at ing pamisip mu, yang didiskaril na. |
Nung ing ulas kagpa yamu, mamaluktut naka pamu. | Taung alang utang a lub migapus la ring keyang tud. |
Ing kanakung kapalaran,
agyang e ke panintunan
Nung talagang kanaku ya, kusa ya ring kaku datang. |
Mimingat ka king lalaking
mumunta king kekang supling
pota ketang e mu pansing ing auma na, ika pin. |
Ing asung bala-baluktut, butul man e makapulut. | Ing taung sobra kadada lakwan dasan de ring malda |
Nung tune ya itang atbu, mayumu ya anggang sepu. | Ing sabi, ila ning dapat, mikakandayung e palak. |
Ing keti king yatu,
mengari mung rueda
mibabo't milalam, Dios nung buri na. |
Ing pigawang timan, at pigawang
lugud
yapin ing paniakap karing pusung matbud. |
Potang ing tukil matni ya, 'la ya kanung laman, ngara. | Maglayunan ya ing pari, karing kalupa nang pari |
Gyang mipandayu mung puling, mayap ne ing maka siping. | Ing taung mamain kagpa, kabatingan ya pang bara. |
Ing luksu ning gaindung
kambing, ing biseru anti murin.
Pusa manganak yang kuting, nung dagul ya pusa ya rin. |
Ing hayagan mung kasalang,
e me dapat pitakutan
ing dapat mung pitakutan, ya ing lihim mung kasalang. |
Ing bulan e ya makalto potang sunlag ya ing aldo | Ing matas at mataluktuk, masaldak ya pangabaldug. |
Ing sinta ning dalaginding,
sangkan-sangkan e na pansing
pero mamusbus yang dingding. |
Sinta ning mebalu kanuking
bagsik na at lipatu
mamusbus pader a batu. |
Insa mang pale mabunga,
kanyang gabun duruku ya
iti wagang pakilala, ita ngan muli ta kaya. |
Nung mate ya ing makwalta,
e ya mikutkut king banwa,
kalulu ka, o ma-pera, kanyang gabun ka rin dugpa. |
E ka malapit a bina, king
taung ating upaya
pota gawa 'nang mistula, ing puri mu ampon damla. |
Sasabian da, king yang matsin
piblasan me mang masanting,
asuluran me mang seda matsin ya rin a itsura. |
Ing pera na ning kuriput, dalan na tutung maliput. | Nung ing grasya gisan mu na, malak-malak naka mata. |
Yang taung matas a puluk, daka'la ring kaya sasnuk. | Ing legwan ampon pibandian, turu dakang matna kanwan. |
Itang taung angut-angut, pipintasan deng pagulut. | Ing taung mapibabata, dasa'na itang buri na. |
Lalakad yang kulubasa, malalakuan ya ing bunga. | Ing batung dugang-dugang, ditman e ya milumutan. |
Ing matudtud a pemangka,
e no balung pamalita
detang delanan nang sapa. |
Ing dalan e me pangutang,
ketang sira kaisipan.
Agyang numanu kang luksu, angga kamu king sukad mu. |
Gyang makaba ing prusisyun, muli mu king pasbul mayul. | Ing taung mayap king ROMA, marok ne man king Britania. |
Nung keti e ka mipala, malis kang aliwang kuta. | Ing bugasuk ampon dapal, nung masuksuk ya malalam |
Return
to Ing Susi Page
Return
to Armando's Home Page
Return
to Kapampangan-English-Pilipino Dictionary Page
Return
to Dictionary's Main Page
Return
to Kapampangan Home Page
Date created: April 4, 2001
Date of last update:
March 6, 2002